ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު، ހއ. އިހަވަންދޫއަށް ޒިޔާރަތް ކުރައްވައި، އާމިނާދިޔޯ ޞިއްޙީ މަރުކަޒުގައި ޑައިލިސިސް ޚިދުމަތް ފައްޓަވައިދެއްވައިފިއެވެ.

ރައީސުލްޖުމްހޫރިއްޔާގެ އަނބިކަނބަލުން މި ޚިދުމަތް ފައްޓަވައިދެއްވީ މިކަމަށްޓަކައި މިއަދު ހަވީރު އިހަވަންދޫ ސްކޫލުގައި ބޭއްވި ރަސްމިއްޔާތެއްގައެވެ.

މި ރަސްމިއްޔާތުގައި ދެއްކެވި ވާހަކަފުޅުގައި، މެޑަމް ސާޖިދާ ވަނީ، ޑައިލިސިސްގެ ޚިދުމަތް އަމިއްލަ ރަށުގައި ތިބެގެން ލިބޭނެ މަގު ފަހިވެގެން ދިއުމުގެ މުހިންމުކަމުގެ މައްޗަށް އަލިއަޅުއްވާލައްވައި، ވާހަކަފުޅުދައްކަވާފައެވެ. އެގޮތުން މިކަމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ވަރަށް ޚާއްޞަކަމެއް ދެއްވައިގެން އެމަނިކުފާނުގެ އިސްނެންގެވުމާއެކު ރާއްޖޭގެ އެކި ކަންކޮޅުތަކުގައި ޑައިލިސިސްގެ ޚިދުމަތް ދެވޭ މަރުކަޒުތައް އިތުރުކުރެއްވުމަށް ކުރައްވަމުންގެންދަވާ މަސައްކަތްޕުޅުތައް ވަނީ ފާހަގަކުރައްވާފައެވެ.

Advertisement

އެ ކަމަނާގެ މި ދަތުރުފުޅުގައި، ޑައިލިސިސް ޚިދުމަތް ފައްޓަވައިދެއްވުމަށްފަހު ވަނީ އާމިނާދިޔޯ ޞިއްޙީ މަރުކަޒަށް ޒިޔާރަތް ކުރައްވައި، އެ މަރުކަޒުގައި ޑައިލިސިސް ޚިދުމަތް ދިނުމަށް ކުރެވިފައިވާ އިންތިޒާމުތައް ބައްލަވާލައްވައި، އެތަނުގެ ޚިދުމަތްތަކާބެހޭ މަޢުލޫމާތު ވަނީ ހޯއްދަވާފައެވެ.

މި ޚިދުމަތް ފައްޓަވައިދެއްވުމާއެކު އެއް ބޭފުޅަކު މިއަދު ވަނީ ޑައިލިސިސްގެ ޚިދުމަތް އެ މަރުކަޒުން ހޯއްދަވާފައެވެ. އިހަވަންދޫގައި  ޑައިލިސިސްގެ ފަރުވާ ބޭނުންވާ ޖުމްލަ 6 މީހަކު ދިރިއުޅެއެވެ. ޞިއްޙީ މަރުކަޒުގެ ނަރުހުންނާއެކު މި ޚިދުމަތް މިއަދު ފެށިގެންދިޔައިރު، އެ މަރުކަޒުގައި މިއަދު ވަނީ ފިޒީޝަނެއްގެ ޚިދުމަތްވެސް ދެއްވަން ފައްޓަވާފައެވެ