ކުރިއަށް އޮތް ރަމަޟާން މަހު މާލެ ސަރަހައްދުގައި ވިޔަފާރި މުދާ އުފުލާ ގަޑިތައް އާއްމު ކޮށްފިއެވެ. 

އެގޮތުން ޓްރާންސްޕޯޓް މިނިސްޓްރީން ކުރި އިއުލާނެއްގައި ވާގޮތުން، ރަމަޟާން މަހުގެ 1 ވަނަ ދުވަހުން 19 ވަނަ ދުވަހަށް، އަދި ޝައްވާލު މަހުގެ 1 ވަނަ ދުވަހުން 7 ވަނަ ދުވަހަށް، މާލޭ ސަރަހަައްދުގައި ބަރު އުޅަނދާއި، ހުރިހާ ބާވަތެއްގެ މުދާ އުފުލާ އުޅަނދު ތަކުގައި މުދާ އުފުލޭނީ އަންނަނިވި ވަގުތު ތަކުގައެވެ. 

* 9:30 އިން 16:30އަށް

* 20:00 އިން 6:00 އަށް 

ހެނދުނު 6:00 އިން 9:30 އަށް އަދި ހަވީރު 16:30 އިން ރޭގަނޑު 8:00 އަށް އެފަދަ މުދާ އުފުލުން މަނާވާނެ ކަމަށް އިއުލާނުގައި ވެއެވެ. 

މީގެ އިތުރުން ރަމަޟާން މަހުގެ ފަހު ދިހައެއްގައި، މާލޭ ސަރަހަައްދުގައި ބަރު އުޅަނދާއި، ހުރިހާ ބާވަތެއްގެ މުދާ އުފުލާ އުޅަނދު ތަކުގައި މުދާ އުފުލޭނީ ހެނދުނު 6:00 އިން 16:30 އަށް އަދި 20:00 އިން 6:00 އަށް ކަމަށް ބުނެފައިވެއެވެ. 

އެނޫން ވަގުތު ތަކުގައި، (16:30 އިން 20:00) މުދާ އުފުލުން މަނާ ވާނެއެވެ. 

ޓްރާންސްޕޯޓް މިނިސްޓްރީން ބުނި ގޮތުގައި، އެ އެންގުމާ ޚިލާފްވާ ފަރާތްތައް -/750 ރުފިޔާއިން ޖޫރިމަނާ ކުރވޭނެއެވެ.