މާލޭގައި އުޅޭ ބުޅާތައް ގެންދިއުމަށް ހަދާފައިވާ ކެޓް ޝެލްޓަރު، "އޮޅުހިޔާ" ފެސިލިޓީއަށް މިއަދު ބުޅާތައް ގެންދަން ފަށައިފިއެވެ.

އެކްރިކަލްޗާ މިނިސްޓްރީން މިއަދު 'އެކްސް'ގައި ކުރި ޕޯސްޓުގައި ބުނީ އޮޅު ހިޔާ ފެސިލިޓީއާ އެ މިނިސްޓްރީން ހަވާލުވިތާ އެންމެ 16 ގަޑިއިރުތެރޭ މިނިސްޓްރީގެ ޓީމުން އައު ކަރަންޓީނު ސަރަޙައްދަށް ބޭނުންވާ ވަސީލަތްތައް ގާއިމުކޮށް އެންމެހާ ކަންކަން ފުރިހަމަކޮށްފައިވާ ކަމަށެވެ. އަދި މިހާތަނަށް، 15 ބުޅާ އެތަނަށް ގެނެވިފައިވާ ކަމަށެވެ. 

އެ މިނިސްޓްރީން ބުނިގޮތުގައި އެކަން ހާސިލް ކުރެވުނީ މިނިސްޓްރީގެ ޓާސްކް ފޯހުން ހުއްޓުމެއްނެތި ކުރި މަސައްކަތާއި، ހިތްވަރާއިއެކު އެއްބާރުލުން ދެއްވި އެންޖީއޯތަކުގެ މިންނެތް މަސައްކަތުގެ ސަބަބުންނެވެ. 

Advertisement

އޮޅު ހިޔާ ފެސިލިޓީ އަކީ މާލެ ސަރަހައްދަށް ދިމާވެފައިވާ ބުޅަލުގެ މައްސަލައަށް ހައްލެއް ގެނައުމަށް ސަރުކާރުން މާލެ ސިޓީ ކައުންސިލާ ހަވާލުކޮށްގެން ތައްޔާރުކުރި ފެސިލިޓީއެކެވެ.

އެ ފެސިލިޓީ ތަރައްޤީކޮށް ރަސްމީކޮށް ހުޅުވިނަމަވެސް އެ ފެސިލިޓީގެ ޚިދުމަތް މިއަދާ ހަމައަށްވެސް ފެށިފައި ނުވަނީ، މިނިސްޓްރީން ދީފަައިވައި، ގައިޑްލައި އާއި އެއްގޮތަށް ވަސީލަތްތައް ކުރެވިފައި ނުވާތީ ކަމަށް ކުރިން މިނިސްޓްރީން ވަނީ ބުނެފައެވެ.  

އެހެންކަމުން، ސަރުކާރުގެ އެދުމަށް، "އޮޅު ހިޔާ" ފެސިލިޓީގެ ރަސްމީ ހުރިހާ ލިޔެކިއުންތަކާއި ލީގަލް އެސެޓްސް ޓްރާންސްފަރ ގެ މަސައްކަތް ނިމުމަށް ފަހު، މާލެ ސިޓީ ކައުންސިލުން އިއްޔެ ވަނީ އެ ފެސިލިޓީ އެގްރިކަލްޗަރ އެންޑް އެނިމަލް ވެލްފެއަރ މިނިސްޓްރީއާ ހަވާލުކޮށްފައެވެ.