ރަޖިސްޓްރީ އޮފް ކޮމްޕެނީސްގެ މަޤާމަށް އުސްތާޛާ މަރްޔަމް ޝަމްޢާ އިސްމާޢީލް ހަމަޖައްސަވައިފިއެވެ.

ކުންފުނިތަކުގެ ރަޖިސްޓްރާގެ މަޤާމަށް ޝަމްޢާ އައްޔަނުކުރެއްވިކަން އިކޮނޮމިކް މިނިސްޓަރު މުހައްމަދު ސައީދުވެސް ވަނީ އެކްސްގައި ކުރެއްވި ޕޯސްޓެއްގައި ޔަގީންކޮށްދެއްވާފައެވެ. މި ޕޯސްޓްގައި މިނިސްޓަރު ސައީދު ވަނީ ޝަމްޢާއަށް މަރުހަބާ ވިދާޅުވެ، ކާމިޔާބަށް އެދިވަޑައިގަންނަވާފައެވެ.

ޝަމްޢާ ވަނީ މީގެކުރިން އިކޮނޮމިކް މިނިސްޓްރީގެ ލީގަލް ކޮންސަލްޓަންޓެއްގެ ގޮތުގައި މަސައްކަތްކުރައްވާފައެވެ. އޭނާއަކީ ތަޖުރިބާކާރު ލޯޔަރެކެވެ. ޝަމްޢާ ތައުލީމް ހާސިލްކުރެއްވީ މެލޭޝިއާގެ އިތުރުން އިނގިރޭސިވިލާތުންނެވެ.

ރަޖިސްޓްރީ އޮފް ކޮމްޕެނީސްގެ މަޤާމަށް އުސްތާޛާ މަރިޔަމް ޝައްމަ އިސްމާއީލް އައްޔަނުކުރައްވާފައިވަނީ، ކުރިން އެމަޤާމުގައި ހުންނެވި މަރިޔަމް ވިސާމް އިސްތިއުފާ ދެއްވުމުންނެވެ. ވިޝާމް އިސްތިއުފާ ދެއްވީ ޕްރައިވެޓް ސެކްޓަރުގައި މަސައްކަތް ކުރެއްވުމަށް ވަގުތު ހުސްކުރެއްވުމަށް ކަމަށް އެކަމަނާ ވަނީ ވިދާޅުވެފައެވެ. ވިސާމް ވަނީ ރެޖިސްޓްރާ އޮފް ކޮމްޕެނީސްގެ މަގާމުގައި 11 އަހަރު ޚިދުމަތް ކުރައްވާފަ އެވެ.

އެކަމަނާ ވަނީ ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީއޭ) ގެ އިސް މަގާމުތައް ފުރުއްވާފަ އެވެ.