ރެޖިސްޓްރާ އޮފް ކޮމްޕެނީސްގެ މަގާމަށް މަރިޔަމް ޝަމްއާ އިސްމާއީލް އައްޔަނު ކުރައްވައިފި އެވެ.
އެކަމަނާ އެ މަގާމަށް އައްޔަނު ކުރައްވާފައިވާކަން ފާހަގަކުރަައްވާ އިކޮނޮމިކް މިނިސްޓަރު މުހައްމަދު ސައީދު ވަނީ މަރުހަބާ ވިދާޅުވެފަ އެވެ.
ޝަމްއާ މިހާތަނަށް ހުންނެވީ އިކޮނޮމިކް މިނިސްޓްރީގެ ލީގަލް ކޮންސަލްޓަންޓްގެ މަގާމުގަ އެވެ. އިނގިރޭސިވިލާތުން މަތީ ތައުލީމު ހާސިލު ކުރައްވާފައިވާ ޝަމްއާ ވަނީ ބައެއް އެހެން އިދާރާތަކުގައި ވެސް މަސައްކަތް ކުރައްވާފަ އެވެ.
ރެޖިސްޓްރާ އޮފް ކޮމްޕެނީސްގެ މަގާމުގައި ކުރީން ހުންނެވި މަރިޔަމް ވިސާމް އެ މަގާމުން އިސްތިއުފާ ދެއްވީ މި މަހުގެ ފުރަތަމަ ދުވަހު އެވެ. ވިސާމް ވަނީ ރެޖިސްޓްރާ އޮފް ކޮމްޕެނީސްގެ މަގާމުގައި 11 އަހަރު ޚިދުމަތް ކުރައްވާފަ އެވެ.
އިސްތިއުފާ ދެއްވީ ޕްރައިވެޓް ސެކްޓަރުގައި މަސައްކަތް ކުރެއްވުމަށް ވަގުތު ހުސްކުރެއްވުމަށް ކަމަށް ވެސް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
