މާލެއިން އަންހެނަކު ގެއްލިގެން ފުލުހުންނަށް ރިޕޯޓްކުރުމާ ގުޅިގެން އެމީހާ ހޯދުމުގެ މަސައްކަތް ފުލުހުން ކުރަމުންދާ ކަމަށް އެ އިދާރާއިން ބުނެފިއެވެ:

ގެއްލިގެން ހޯދަމުންދަނީ ޙައްވާ ޙަސަން، ހ. ބްލޫލޫން / މާލެ (31އ) އެވެ.

ފުލުހުން ބުނީ، ޙައްވާ ޙަސަން ގެއިން ދިޔަގޮތަށް ދިޔަފަހުން ޚަބަރެއް ނުވެ، ވީނުވީއެއް ނޭނގި ގެއްލިގެން އާއިލާގެ ފަރާތުން ފުލުހުންނަށް މައްސަލަ ހުށަހަޅާފައިވަނީ 2025 މާރިޗު 8 ވަނަ ދުވަހު ކަމަށެވެ.

އަދި މިމައްސަލަ ފުލުހުންނަށް ރިޕޯޓްކުރުމާއެކު އޭނާ ހޯދުމަށްޓަކައި ފުލުހުންގެ ކަމާގުޅުންހުރި އެންމެހައި ބަހާތަކަށް މައުލޫމާތު ހިއްސާކުރެވި، ހޯދުމުގެ މަސައްކަތް ކުރަމުން ދިޔަނަމަވެސް އޭނާ ހޯދުމަށް މިހަތާނަށް ކުރެވުނު މަސައްކަތުން އޭނާއާ ބެހޭ އެއްވެސް މައުލޫމާތެއް ލިބިފައިނުވާ ކަމަށް ބުންޏެވެ. 

ވީމާ، ޙައްވާ ޙަސަން އާބެހޭ އެއްވެސް މައުލޫމާތެއް ލިބިފައިވާނަމަށް ލަސްނުކުރައްވައި މާފަންނު ޕޮލިސް އިންވެސްޓިގޭޝަންގެ ޑިއުޓީ ނަންބަރު 9660183 އަށް ގުޅުއްވައި ހިއްސާކުރެއްވުން ފުލުހުން އެދިފައިވެއެވެ.

މާލެއިން އަންހެނަކު ގެއްލިގެން ހޯދަމުންދާއިރު، މިދިޔަ އަންގަރަ ދުވަހު ވެސް މާލެއިން ފިރިހެނަކު މީހަކު ގެއްލިގެން ފުލުހުން ވަނީ އިއުލާނު ކޮށްފައެވެ. އެގޮތުން، ހޯދަމުންދާ ކަމަށް ފުލުހުން ބުނީ ނ. މަނަދޫ، ރީޙުއްޞަބާ، ޢަބްދުالله ޝިހާދުއެވެ. އޭނާވެސް ގެއްލުނު ކަމަށް ބުނެފައިވަނީ މިމަހު 8 ވަނަ ދުވަހުއެވެ.

މިހާތަނަށް ވެސް އޭނާ ފެނިފައިވާކަން ފުލުހުން ހަމައެއް ނުކުރެއެވެ.