ނ.ވެލިދޫގައި އާރްޑީސީން ކުރިއަށް ގެންދިޔުމަށް ހަވާލުކުރެވުފައިވާ ތިން ޕްރޮޖެކްޓެއްގެ މަސައްކަތް ފެށުމަށް ބޭނުންވާ ސާމާނު އެ ރަށަށް ފޮނުވުމުގެ މަސައްކަތް ފަށައިފިއެވެ.
އެގޮތުން، އާރްޑީސީން ރޭ ބުނީ، ވެލިދޫ ހޮސްޕިޓަލްގެ އައު އިމާރާތުގެ މަސައްކަތާއި އެރަށުގައި ޤާއިމްކުރެވޭ ކޮމިޔުނިޓީ ބޭސްޑް ރިހެބިލިޓޭޝަން ސެންޓަރުގެ މަަސައްކަތުގެ އިތުރުން ޕޮލިސް ސްޓޭޝަންގެ މަސައްކަތް ފެށުމަށް ބޭނުންވާ ސާމާނު ފޮނުވުމުގެ މަސައްކަތް މިހާރު ކުރަމުންދާ ކަމަށެވެ.
ވެލިދޫ ހޮސްޕިޓަލްގެ އައު ޢިމާރާތުގެ މަސައްކަތް ހަވާލުކުރީ ޖުމުލަ 108,322,537.03 ރުފިޔާ އަށެެވެ. އެ ހޮސްޕިޓަލުގެ މަސައްކަތް އާރުޑީސީއާ ހަވާލު ކުރީ 540 ދުވަހުގެ ތެރޭގައި ނިންމުމަށެވެ.
ވެލިދޫގައި އަޅާ ޕޮލިސް ސްޓޭޝަންގެ އައު އިމާރާތުގެ މަސައްކަތް އެ ކުންފުންޏާ ހަވާލު ކުރެވުނީ، މި އަހަރުގެ މާރިޗު މަހުގެ 14 ވަނަ ދުވަހުގައެވެ. އަދި އެ ރަށު ރިހެބިލިޓޭޝަން ސެންޓަރުގެ މަސައްކަތް އެ ކުންފުންޏާ ހަވާލުކޮށްފައިވަނީ މާރިޗު މަހުގެ 29 ވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
