މޯލްޑިވްސް މީޑިއާ ކައުންސިލް (އެމްއެމްސީ) އާއި ސޮސައިޓީ ފޯރ ޕީސް އެންޑް ޑިމޮކްރަސީ (އެސް.ޕީ.ޑީ) އަދި އިންޓަރނިއުސް ގުޅިގެން ދިވެހި ރާއްޖޭގެ މީޑިއާތަކާއި އަދި އެކި މުއައްސަސާތަކުގެ މީޑިއާ މުވައްޒަފުންނަށް އަމާޒުކޮށްގެން "އިލެކްޓޯރަލް ރިޕޯޓިން އެންޑް ވޯޓަރ އެޑިއުކޭޝަން ޓުރެއިނިން" އެއް ބާއްވައިފި އެވެ.
މި ޓްރެއިނިންގ ފައްޓަވައިދެއްވީ އެމް.އެމް.ސީގެ ރައީސް ހުސައިން ޡަޤީފްއެވެ.
ޓްރެއިނިންގ ފަށްޓަވައި ދެއްވައި ވާހަކަ ދައްކަވަމުން ޡަޤީފްވަނީ މިފަދަ ޓްރެއިނިންގެ މުހިއްމުކަން ފާހަގަ ކުރައްވާފައެވެ. އަދި ކައުންސިލްއިން އަބަދުވެސް މިފަދަ ޓްރެއިންތައް ކުރިއަށް އޮތްތާންގައި އިންތިޒާމްކުރާނެކަމަށްވެސް ވިދާޅުވިއެވެ.
މީގެ އިތުރުން، މިފަދަ މުހިންމު ޓްރެއިނިންގ އެ ކައުންސިލާއި ގުޅިގެން އެސް.ޕީ.ޑީ އިން ކުރިއަށް ގެންދަވާތީ އެސް.ޕީ.ޑީއަށް ޝުކުރު އަދާކުރެއްވިއެވެ.
ނޫސްވެރިންނަށް ކުރިއަށް ގެންދިޔަ ޓްރެއިނިންގެ ތެރެއިން: ފޮޓޯ/ އެމްއެމްސީ
ސީޑްސް ބައި ބީ.ސީ.ސީ ގައި ކުރިއަށްދިޔަ މި ޓްރެއިނިންއަކީ ނޫސްވެރިންނަށް އަމާޒުކޮށްގެން އިންތިޚާބުތަކުގައި ޚަބަރުތައް ރިޕޯޓްކުރާނެ ގޮތާއި ގުޅޭ ގޮތުން ކުރިއަށްދިޔަ ޓްރެއިނިންއެކެވެ.
މި ޓްރެއިނިންގެ މައިގަނޑު މަޤުސަދަކީ ރާއްޖޭގެ އިންތިޚާބީ މަރުހަލާތައް ދެނެގަނެ، އިންތިޚާބައި ގުޅިގެން ފަތުރާ ދޮގު މައުލޫމާތާއި ނަފްރަތު އުފެދޭ ވާހަކަތަކުން ދުރުހެލިކޮށް ވޯޓާސް އެޑިއުކޭޝަން މެޓީރިއަލް އިތުރަށް ތަރައްޤީ ކުރުން ކަމަށް އެމްއެމްސީން ބުނެއެވެ.
5 ސެސަން އަކަށް ބަހާލައިގެން ކުރިއަށްގެންދިޔަ މި ސެޝަންތައް ނަންގަވައިދެއްވީ ތަޖުރިބާކާރު އަދި ފަންނީ ބޭފުޅުންނެވެ.
މި ޓްރެއިނިންގައި ކިޔަވައި ދެވުނު ބައިތަކަކީ "އިންޓްރޮޑަކްޝަން ޓު ޕޮލިޓިކްސް އެންޑް ގަވަންމެންޓް، އިންޓްރޮޑަކްޝަން ޓު އިލެކްޝަންސް ، ކަވަރިން އިލެކްޝަންސް، ޕޮލިޓިކަލް އިޝޫސް އިން މޯލްޑިވްސް، އަދި ވިމެންސް ރޯލް އިން ޕޮލިޓިކްސް" އެވެ.
މި ސެޝަންތައް ނަންގަވައިދެއްވީ، އިބްރާހީމް މާހިލް މުހައްމަދު (ސޭ ސެޝަން ފެސިލިޓޭޓަރ)، ސާރާ ފްރުމެންޓޯ (ސޭ ސެޝަން ފެސިލިޓޭޓަރ) އަދި ފާތިމަތު ނަހުދާ ފާއިޒް (މޯލްޑިވްސް މީޑިއާ ކައުންސިލްގެ މެންބަރު) އެވެ.
Advertisement
This content is created and paid for by advertisers and does not involve Voice Journalists
