އޭޝިއާގެ ސްކޭމް ސެންޓަރުތަކުގެ އޮޕަރޭޝަންތައް މުޅި ދުނިޔެއަށް ފެތުރެން ފަށާފައިވާކަމަށް އދ.ގެ ކަމާބެހޭ ފަރާތްތަކުން އަންގައިފިއެވެ.

އދ. އިން ބުނެފައިވަނީ އޭޝިއާ ސަރަހައްދުގައި ހިންގަމުންދިޔަ ސައިބާ ސްކޭމް ސެންޓަރުތަކުން އެމީހުންގެ ސްކޭމްތައް ދުނިޔޭގެ އެކި ހިސާބުތަކަށް ފަތުރަމުންދާ ކަމަށާއި، އޮޅުވާލައިގެން އަތުލައިގަންނަ ފައިސާ ލޯންޑަރ ކުރުމަށް ވެސް އައު ގޮތްތައް ހޯދަމުންދާ ކަމަށެވެ.

އދ. އިން މިހެން ބުނެފައިވަނީ އދ.ގެ އޮފީސް އޮން ޑްރަގްސް އެންޑް ކްރައިމް (ޔޫއެންއޯޑީސީ) އިން ހޯދި ހޯދުންތަކުގައި މި ޗެންޓަރުތަކުގެ ހަރަކާތްތައް ދެކުނު އެމެރިކާ، އެފްރިކާ، މެދުއިރުމަތި، ޔޫރަޕް އަދި ޕެސިފިކް ގެ ބައެއް ރަށްރަށުން ވެސް ފެންނަމުންދާކަން ހާމަ ވުމުންނެވެ.  

Advertisement

އިރުމަތީ އޭޝިއާ އާއި ދެކުނު އިރުމަތީ އޭޝިއާގެ ސެންޓަރުތަކުން އަހަރަކު ގާތްގަނޑަކަށް 40 ބިލިއަން ޑޮލަރުގެ ފައިދާ ނަގާކަމަށް ވެސް އދ. އިން ފާހަގަކޮށްފައިވެއެވެ. މި ސެންޓަރުތަކުގެ ހަރަކާތްތައް ބޮޑަށް ފެންނަނީ މީހުންނަށް އޮޅުވާލައިގެން އެކި ވިޔަފާރި ތަކުގެ ނަމުގަ އާއި ލޯބީގެ ގުޅުންތަކުގެ ތެރެއިންނެވެ. 

މި މީހުން ބޮޑަށް ޓާގެޓު ކުރަނީ ރަނގަޅަށް ގާނޫނާ އެއްގޮތަށް ކަންކަން ނުބެލެހެއްޓޭ ގައުމުތަށް ކަމަށް ވެސް އދ. އިން ފާހަގަކޮށްފައި ވެއެވެ.