މަސްޖިދުއްނަބަވީގެ އިމާމު ފަޟީލަތުއްޝައިޚް ޑރ. ޞަލާހުލް ބުދައިރު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަރިހަށް މިއަދު ހެނދުނުގެ ވަގުތެއްގައި އިހުތިރާމުގެ ޒިޔާރާތެއްކުރައްވައިފިއެވެ. 

މި ބައްދަލުވުން ބާއްވައިފައިވަނީ ރައީސުލްޖުމްހޫރިއްޔާގެ އޮފީހުގައެވެ.

އަދި މި ބައްދަލުވުވުގައި، ރައީސުލްޖުމްހޫރިއްޔާގެ އިތުރުން، އިސްލާމީކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢިދު، އަދި އިސްލާމީ މަރުކަޒުގެ އިސް އިމާމު، ޝައިޚް މުޙައްމަދު ލަޠީފުވެސް ބައިވެރިވެވަޑައިގެންފައި ވެއެވެ. 

Advertisement

ޑރ. ޞަލާހުލް ބުދައިރު ރާއްޖެއަށް މި ކުރެއްވި ދަތުރުފުޅަކީ، ދިވެހި ރާއްޖޭގެ އިސްލާމީ ޝަހުސިއްޔަތު ވަރުގަދަ ކުރެއްވުމަށްޓަކައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ އިރުޝާދާއެކު ފޮނުވި ދައުވަތުގައި ކުރެއްވި ދަތުރުފުޅެކެވެ. 

މި ދަތުރުފުޅު ކުރެއްވުމަށް ސަޢުދީގެ ރަސްގެފާނު ސަލްމާން ބިން ޢަބްދުލްޢަޒީޒް ވަނީ އިޒުނަ ދެއްވާފައިވާކަމަށް ވެސް އިސްލާމީކަންތައްތަކާ ބެހޭ ވުޒާރާއިން ވަނީ ބުނެފައެވެ.