އިޒްރޭލުގެ އުތުރުގައިވާ ހަދީރާ ސަރަހައްދުގައި މޫދަށް އެރި އުޅުނު މީހަކު މިޔަރު ހަމަލާއެއްގައި ޒަޚަމްވެ، ގެއްލިއްޖެއެވެ.
މި ސަރަހައްދަކީ މީގެ ކުރިން ވެސް މިޔަރު އެއްވާ ސަރަހައްދަކަށް ވީ ނަމަވެސް، މީހަކަށް އަނިޔާއެއް ވެފައެއް ނުވެއެވެ. އެހެން ނަމަވެސް، މި ހަމަލާގައި އަނިޔާވި ފިރިހެން މީހާ އަދިވެސް ނުފެންނަ ކަމަށް މި ސަރަހައްދުގައި ހަރަކާތްތެރިވަމުންދާ ޕެރެމެޑިކުންނާއި ޕޮލިހުން މައުލޫމާތު ދީފައި ވެއެވެ.
ސޯޝަލް މީޑިއާގައި ދައުރުވަމުން ދާ ވީޑިއޯ ތަކުން މި ހަމަލާގެ ޝިކާރަޔަކަށް ވި މީހާ ފެނު ތެރޭގައި ސަލާމަތްވުމަށް މަސައްކަތްކުރި މަންޒަރާއި، ސަލާމަތްކޮށްދިނުމަށް ކުރި އާދޭހުގެ އަޑު އިވިގެންދެއެވެ.
މިހާރު މި ސަރަހައްދު ވަނީ އާންމުންނަށް ނުވަދެވޭނެހެން ބަންދުކޮށްފައެވެ.
Advertisement
This content is created and paid for by advertisers and does not involve Voice Journalists
