ޔޫއޭއީގެ އެމިރޭޓްސް އެއާލައިން ފްލީޓުގައި ހިމެނޭ ބޯއިންގ 777 ގެ އަޕްގްރޭޑިން ފްލައިޓުތަކުގެ ދަތުރުުތައް ރާއްޖެއަށް ފެށުމަށް ނިންމައިފިއެވެ. 

އެމިރޭޓްސްގެ ބޯއިންގ 777 ރެޓްރޯފިޓް ޕްރޮގްރާމުގެ ދަށުން އަޕްގްރޭޑުކޮށްފައިވާ މި މަތިންދާބޯޓުތައް ރާއްޖޭގެ އިތުރުން އަދި 7 މަންޒިލަކަށް ވެސް ދަތުރުތައް ފެށުން ވަނީ ހަމަޖެހިފައެވެ. އެއީ ޕޯޗުގަލް، އަޔަރލެންޑް، ލަންޑަން، ހޮންކޮންގް، ކޮލްކަތާ އަދި ސްރީ ލަންކާ އާއި ސައުތު އެފްރިކާއެވެ. 

މި ފްލައިޓުގެ ދަތުރުތަށް ފަށަން ހަމަޖެހިފައިވަނީ މިއަންނަ ޖޫން މަހުން ފެށިގެންނެވެ. 

Advertisement

ފަތުރުވެރިންގެ މެދުގައި ދިވެހި ރާއްޖެ މަގުބޫލުވެގެން ދިޔުމާއެކު، ރާއްޖެއަށް ދަތުރުކުރާ އެއާލައިންތައް ވެސް ދަނީ އިތުރުވަމުންނެވެ. މީގެ ތެރެއިން އެމިރޭޓްސް އެއާލައިންސް އަކީ ރާއްޖެއަށް އަންނަ އެންމެ ގިނަ ފަތުރުވެރިން ޚިޔާރުކުރާ އެއާލައިންއެވެ. 

އެމިރޭޓްސް އެއާލައިނަކީ ރާއްޖެއަށް އުދުހުންތައް ބާއްވާ އެންމެ ދުަވަސްވީ އެއް އެއާލައިނެވެ. އަދި ރާއްޖެއަށް އެންމެ ގިނައިން އުދުހުންތައް ބާއްވަމުން އަންނަ އެއް އެއާލައިނަކީވެސް އެމިރޭޓްސްއެވެ.