ޑރ. އަބްދުއްސަމަދު މެމޯރިއަލް ހޮސްޕިޓަލުގައި ފުރަތަމަ ފަހަރަށް ލެޕްރޮސްކޯޕިކް ސާޖަރީ ހަދައިފި

ޑރ. އަބްދުއްސަމަދު މެމޯރިއަލް ހޮސްޕިޓަލް: ފޮޓޯ/ދަމޯލްޑިވްސްޖާނަލް

ގދ. ތިނަދޫ ޑރ. އަބްދުއްސަމަދު މެމޯރިއަލް ހޮސްޕިޓަލުގައި ފުރަތަމަ ފަހަރަށް ލެޕްރޮސްކޯޕިކް ސާޖަރީ ހަދައިދިއެވެ.

ލެޕްރޮސްކޯޕިކް ސާޖަރީ އަކީ އޮޕަރޭޝަން ކުރާއިރު އެންމެ ކުޑަކޮށް ކަފައިގެން، ޕޭޝަންޓުގެ ގަޔަށް ކެމެރާ ލައްވައިގެން ކުރާ ސާޖަރީއެކެވެ. މިއީ މިނިމަލީ އިންވޭސިވް ސާޖަރީއެކެވެ. މާނައަކީ ހަށިގަނޑަށް އިތުރު އަނިޔާއެއް ނުލިބި ކުރެވޭ ސާޖަރީއެކެވެ. 

މި ސާޖަރީ ކުރިއަށް ގެންގޮސްފައިވަނީ އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އިން ތިނަދޫގައި މި މަހު 24 ން 26 އަށް ބޭއްވި ޚާއްސަ ކޭމްޕެއްގެ ތެރެއިންނެވެ. 

Advertisement

ކޭމްޕްގައި ބައިވެރިވެފައިވާ ޑޮކްޓަރުންގެ ތެރެއިން، އާންމު އަދި ލެޕްރޮސްކޯޕިކް ސާޖަރީގެ ހާއްސަ ޑޮކްޓަރު، ޑރ. އަބްދުﷲ އުބައިދު ވިދާޅުވީ ރީޖަނަލް ހޮސްޕިޓަލަތަކަށް މިފަދަ ޚިދުމަތަތައް ފުޅާ ކުރުމަކީ ރާއްޖެތެރޭގައި ސިއްޙީ ނިޒާމު ވަރުގަދަކޮށް ފުޅާކުރުމަށް ކުރަންޖެހޭ ވަރަށް މުހިންމު ކަމެއް ކަމަށެވެ.

އަބްދުއްސަމަދު މެމޯރިއަލް ހޮސްޕިޓަލުގައި ހަރަކާތްތެރިވެފައިވާ ޑޮކްޓަރުންގެ ޓީމުގެ ތެރޭގައި, ގޮހޮރުގެ އަދި ބެރިއަޓްރިކް ސާޖަރީ, ޕްލާސްޓިކް އަދި ރިކޮންސްޓްރަކްޝަން، އެޑްވާންސް ވޫންޑް ކެއާ, ކެންސަރުގެ އޮޕަރޭޝަންތައް, ސިކުނޑިއާއި ނާރުގެ އޮޕަރޭޝަންތައް, ކުޑަކަމުދާ ނިޒާމުގެ އޮޕަރޭޝަންތައް, ހޭނެއްތުމާއި ނުފިލާ ހުންނަ ތަދުތަކަށް ހާއްސަ ޑޮކްޓަރުން ހިމެނެއެވެ. 

Advertisement

ކޮމެންޓް

Advertisement

Advertisement