ސަން ޓްރެވަލްސް ކުންފުނީގެ އަތުން ނ. މިނާވަރު އަތުލަން ނިންމީ އެއްބަސްވުމާ އެއްގޮތަށް ކަންކަން ރަނގަޅު ނުކުރުމުން ކަމަށް އެގްރިކަލްޗަރު މިނިސްޓްރީން މިއަދު ބުނެފި އެވެ.

އެ މިނިސްޓްރީން ވަނީ ބަޔާނެއް ނެރެ އެ މައްސަލަ ސާފުކޮށް ދީފަ އެވެ. ސަން ޓްރެވަލްސް ކުންފުންޏަކީ މި ސަރުކާރުގެ ކުރީގެ ބައިވެރިއެއް ކަމަށްވާ އެމްޑީއޭގެ ލީޑަރު އަހްމަދު ސިޔާމްގެ ވިޔަފާރި ކުންޏެވެ.

މިނިސްޓްރީން ބުނީ މިނާވަރު އަތުލަން ނިންމީ އެއްބަސްވުމާ އެއްގޮތަށް ކަމަށެވެ. އެ ނިންމުމުގެ ކުރީން އެެއްބަސްވުމާއި އެއްގޮތަށް ކަންކަން ރަނގަޅު ކުރަން އަންގާ އެކަމަށް އިތުރު މުއްދަތުވެސް ދިން ކަމަށެވެ. ނަމަވެސް އެ މުއްދަތު ހަމަވިއިރު ވެސް އެކަންކަން ރަނގަޅު ނުކުރާ ކަމަށެވެ.

Advertisement

މިނާވަރު ކުއްޔަށް ދިނީ ދަނޑުވެރިކަމާއި ވެލިޔުއެޑިޝަން އަދި ޕްރޮސެސިންގެ މަސައްކަތަށް ނަމަވެސް އެ މިނިސްޓްރީން ކުރިއަށް ގެންދިޔަ އިވެލިއުޝަނުން އެ ރަށުގައި އެފަދަ އެއްވެސް މަސައްކަތެއް ކޮށްފައި ނެތް ކަަމަށް ބުނެފައިވެ އެވެ.

މިނިސްޓްރީން ބުނީ މާޗް 19 ވަނަ ދުވަހު, ކަންކަން އިސްލާހު ކުރުމަށް 30 ދުވަހުގެ މުއްދަތެއް ދިން ކަމަށާ އެ މުއްދަތު ހަމަވިއިރު އެއްވެސް ކަމެއް ރަނގަޅުކޮށްފައި ނުވާ ކަމަށް ބުނެފައިވެ އެވެ. 

އެ ރަށް ނަގަން މިދިޔަ ސަރުކާރުން ވެސް ނިންމި އެވެ. މިނާވަރު އަތުލަން ނިންމިއިރު އެ ރަށުގެ އެގްރީމަންޓްގަައި އަދިވެސް ހަ އަހަރެއްހާ ދުވަސް އެބަ އޮތެވެ.