ކައުންސިލަރުންނަށް އަމާޒުކޮށް ޚަތީބުކަމުގެ ކޯހެއް ކުރިއަށްގެންދިއުމަށް ނިންމައިފި
ކައުންސިލަރުންނަށް އަމާޒުކޮށް ޚަތީބުކަމުގެ ކޯހެއް ކުރިއަށްގެންދިއުމަށް ނިންމާފައިވާކަމަށް އިސްލާމިކް މިނިސްޓަރު ޑރ.މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
އަތޮޅުތެރޭގެ ރަށްތަކުގައި އިމާމްވެ ހުކުރުކުރާނެ މީހުން ލިބުމުގެ ދަތިކަމަކީ އަބަދުވެސްަ އޮންނަ ކަމެކެވެ. މިކަމާ ގުޅޭގޮތުން މިނިސްޓަރު ޝަހީމް ވިދާޅުވީ، އަތޮޅުތަކުގައި ޚުޠުބާ ކިއުމަށް ހުރި ދަތިތައް ފުޅާ ދާއިރާއެއްގައި ޙައްލުކުރުމުގެ މަޤުޞަދުގައި، ކައުންސިލަރުންނަށް ޚުޠުބާ ކިއުމުގެ ހުއްދަ ދިނުމަށް، ކައުންސިލަރުންގެ ތެރޭގައި މިކަމަށް ޝައުޤުހުރި ފަރާތްތަކަށް އަމާޒުކޮށް ހަތީބުކަމުގެ ކޯހެއް ކުރިއަށްގެންދިއުމަށް ނިންމާފައިވާކަމަށެވެ. މި ކޯސް ކުރިއަށްގެންދާނީ 3 މަސްދުވަހުގެ މުއްދަތަކަށް ޤުރުއާނާ ބެހޭ މަރުކަޒު މެދުވެރިކޮށްކަމަށް މިނިސްޓަރޔު ވިދާޅުވިއެވެ.
މިނިސްޓަރު ޝަހީމް ވިދާޅުވީ، ހަތީބުން ތަމްރީނުކުރުމަށް ހިންގާ ކޯހުގެ ކޮންމެ ބުރެއްގައި 50 ކައުންސިލަރުންނަށް ބައިވެރިވެވޭނޭ ކަމަށެވެ. މި ކޯހުގައި ޚަޠީބު ކަމަށް ބޭނުންވާ ފިޤުހު، ޤުރުއާން، ޢަޤީދާ ހަދީސް ކިޔަވައިދޭނޭ ކަމަށާއި، ކޯހުގައި ޤުރުއާން ފިޔަވައި އެހެން މާއްދާތައް އޮންލައިންކޮށް ގެންދެވޭނޭ ކަމަށެވެ.
ޝަހީމް ވިދާޅުވީ ޤުރުއާން ކިޔަވައިދޭނީ ކައުންސިލަރުން މާލެެ އައިސްގެން، ނުވަތަ އަތޮޅުތަކުގައި ޤުރުއާން މަރުކަޒުގެ ގޮފިތައް މެދުވެރިކޮށް ކަމަށެވެ.މި ކޯހުގައި ކިޔަވައިދެއްވާނީ ފުންނާބު އުސް އިލްމުވެރިންނެވެ.
ހަތީބުކަމުގެ މި ކޯސް އަންނަ ޖޫންމަހުގެ އެއްވަނަ ދުވަހު ހުޅުވާލުމަށް ވަނީ ނިންމާފައެވެ. މި ޕްރޮގްރާމަކީ ކައުންސިރުންނަށް ހާއްސަ ޕްރޮގްރާމެއްކަމަށް މިނިސްޓަރު ޝަހީމް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
