ރިޔާސީ އިންތިޚާބާއި ރައްޔިތުންގެ މަޖިލީހުގެ އިންތިޚާބު އެކުއެކީގައި އޮންނަގޮތަށް ޤާނޫނުއަސާސީ އަށް އިސްލާހް ގެނައުމަށް ޚިޔާލު ހޯދުމުގެ ވޯޓު ނެގުމާއި ގުޅޭ ބިލު ރައްޔިތުންގެ މަޖިލީހުގެ އަންނަ ދައުރުތެރޭގައި ހުށަހެޅުމުގެ މަސައްކަތްކުރަށްވަމުން ގެންދަވާކަމަށް ރައީސް ޑރ. މުޙައްމަދު މުޢިއްޒު މިއަދު ވިދާޅުވެއްޖެއެވެ.
"ރައްޔިތުންނާ އެކު" ސިލްސިލާ ޕޮޑްކާސްޓްގެ 6 ވަނަ އެޕިސޯޑްގައި ވާހަކަފުޅު ދައްކަވަމުން ރައީސް ވިދާޅުވީ، ރިޔާސީ އިންތިޚާބާއި މަޖިލިސް އިންތިޚާބާ ދެމެދު އޮންނަނީ ވަރަށް ކުޑަ ދުވަސް ކޮޅެއް ކަމަށެވެ. އެހެންކަމުން ރައްޔޮތުންނަށް އެންމެ ރަނގަޅު ވާނީ ދެ އިންތިޚާބު އެކުއެކީގައި ބޭއްވުމުން ކަމަށް ރައީސް ވިދާޅުވިއެވެ.
މި ހަމަ ރައްޔިތުންގެ ޚިޔާލަށް ދާނެ ކަމެއް. ރައްޔިތުންގެ ފެންނަ ނުފެންނަ ވޯޓެއް ނަގަންޖެހޭ ކަމެއްވެސްމެ. އަޅުގަނޑު ވަކި ގޮތެއް މިހެން ނިންމައިގެން ނިންމޭނެ ކަމެއްވެސް ނޫން. ނުވެސް ނިންމޭނެ. ނިންމެން އޮތަސް ބޭނުންވަނީ ރައްޔިތުން ކައިރިން އަހައިގެން ނިންމަން
ރައީސް މުޢިއްޒު
ރައްޔިތުންނާއެކު ޕޮޑްކާސްޓްގެ ތެރެއިން: ފޮޓޯ/ ރައީސް އޮ
ރައީސް ވިދާޅުވީ، ރިޔާސީ އިންތިޚާބާއި ރައްޔިތުންގެ މަޖިލީހުގެ އިންތިޚާބު ވަކިން ބޭއްވުމުގެ ބަދަލުގައި އެއްކޮށްލެވިއްޖެނަމަ، އެތައް މިލިއަން ރުފިޔާއެއް ސަލާމަތްކުރެވޭނެކަމަށެވެ. އަދި އެކަމުން ރައްޔޮތުންނަށްވެސް ގިނަ ފައިދާ ތަކެއް ވާނެ ކަމަށެވެ.
މިކަމަށް ގާނޫނެއްވެސް ފާސްކުރަން، މަޖިލިސް ހުޅުވި، ޖޫން މަހު ދެވަނަ ދައުރަކަށް މަޖިލިސް ހުޅުވޭއިރު އެކަމާ ބެހޭ ބިލެއް ހުށަހެޅުމެއް ބިލެއްގެ މަސައްކަތްވެސް އެބަކުރެވޭ.
ރައީސް މުޢިއްޒު
މީގެ އިތުރުން ރައީސް ވަނީ ރިޔާސީ އިންތިޚާބުގެ ދެވަނަ ބުރެއް ނޯންނަގޮތަށް ޕްރިފެރެންޝަލް ވޯޓިން ނިޒާމަކަށް ދިޔުމުން ވެސް ލިބޭނެ ފައިދާތަކަށް އަލިއަޅުއްވާލައްވާފައެވެ.
ދިވެހިޖުމްހޫރިއްޔާގެ ޤާނޫނުއަސާސީ ބުނާގޮތުން މިފަދަ ވޯޓެއް ނެގޭނީ ރައްޔިތުންގެ ފެންނަ ނުފެންނަ ވޯޓެއްނަގައި، ރައްޔިތުންގެ އާނބަސް ހޯދައިގެންނެވެ.
Advertisement
This content is created and paid for by advertisers and does not involve Voice Journalists
