ރާއްޖޭގެ އެންމެ ދެކުނަށް ވައިޓް އެލާޓް ނެރެފި
މޫސުން ގޯސްވާނޭކަމަށް ލަފާކޮށް ރާއްޖޭގެ އެންމެ ދެކުނުގެ އަތޮޅުތަކަށް ވައިޓް އެލާޓް ނެރެފިއެވެ.
މޫސުމާ ބެހޭ ޤައުމީ އިދާރާއިން ބުނީ، މިއަދު ހެނދުނު 08:05 ކުން ފެށިގެން މެންދުރު 12 ޖެހުމާ ހަމަޔަށް ގއ.އަތޮޅުން ފެށިގެން އައްޑޫސިޓީއާ ހަމައަށް މޫސުން ގޯސްވާނޭކަމަށް ލަފާކުރެވޭ ކަމަށެވެ. މިގަޑިތަކުގައި ބޯކޮށް ވާރޭވެހުމާއެކު ގުގުރާނޭކަމަށް ވަނީ ލަފާކޮށްފައެވެ.
ހިނގަމުން މިދަނީ ހުޅަނގުމޫސުމުގެ "ކެތި" ނަކަތެވެ. މިއީ ހުޅަނގު މޫސުމުގެ ތިންވަނަ ނަކަތެވެ. މި ނަކަތުގައި އުޑުމަތި ބަނަވެފައި ދޭތެރެއަކުން ވިއްސާރަކުރާނެއެވެ. އިހުގެ ނަކަތް ލަފާކުރާ މީހުން ބުނާގޮތުގައި ކެތި ނަކަތުގައި 7 ކޮޅިގަނޑެއް ލައްވާލާނެއެވެ. އެހެންކަމުން މި ނަކަތަކީ ހުޅަނގު މޫސުމުގެ ވިއްސާރަ ފެށޭ ނަކަތުގެ ގޮތުގައި އެމީހުން ސިފަކުރެއެވެ. މޫސުން ގޯސްވުމާއެކު، މި ނަކަތުގައި މަސްވެރިކަންވެސް ދަށްވާނޭކަމަށް އިހުގެ މޫސުން ލަފާކުރާ މީހުން ބުނެއުޅެއެވެ.
ކެތި ނަކަތް ދެމިގެންދާނީ މިމަހުގެ 19 ވަނަ ދުވަހުގެ ނިޔަލަށެވެ.
Advertisement
This content is created and paid for by advertisers and does not involve Voice Journalists
