ހުޅުމާލެ މުދާޖެޓީ ސަރަހައްދުގެ ބަދަލުގައި ދޯނިތައް އެޅުމަށް އެހެން ސަރަހައްދެއް
ހުޅުމާލެ މުދާ ޖެޓީ ސަރަހައްދުގައި އުޅަނދުތައް ނެގުމަށް އެންގުމާ ގުޅިގެން ކަންބޮޑުވުން ފާޅުކުރި އޮޑިވެރިންނަށް އެޗްޑީސީން ވަގުތުން ހައްލު ހޯދައިދީފިއެވެ.
ހުޅުމާލެ ފޭސް އެކެއްގެ މުދާ ޖެޓީ ތަރައްގީ ކުރުމަށްޓަކައި އެޗްޑީސީން ވަނީ ހުސްވި އޭޕްރިލްމަހު އެ ސަރަހައްދުގެ ފަޅުތެރޭގައި އަޅާފައިވާ އުޅަނދުތައް ނެގުމަށް އިއުލާނުކޮށްފައެވެ. ނަމަވެސް، އެ ސަރަހައްދުން އުޅަނދުތައް ނެގުމަށް ދިން މުހުލަތު ފަހަނައެޅުމުން، މިއަދު އެ ސަރަހައްދުގައި އަޅާފައިވާ އުޅަނދުތައް ނެގުމަށް އެޗްޑީސީން އެންގިނަމަވެސް، މިއަދު ބައެއް އޮޑިވެރިން އެ ސަރަހައްދަށް އެއްވެ ވަނީ ކަންބޮޑުވުން ފާޅުކޮށްފައެވެ.
އޮޑިވެރިންގެ ކަންބޮޑުވުމާ ގުޅިގެން އެޗްޑީސީން އެންމެފަހުން ވަނީ، އެ ސަރަހައްދުގައި އަޅާފައިވާ އުޅަނދުތައް ނަގައި، ވަގުތީ ގޮތުން އެތަނާ ކައިރި އެހެން ސަރަހައްދެއްގައި އުޅަނދުތައް ބޭއްވޭނޭ އިންތިޒާމު ހަމަޖައްސައިދީފައެވެ.
އުޅަނދުތައް އެޅުމަށް ފަހުން ހަމަޖެއްސި ސަރަހައްދު. ހުދުކުލައިން ފާހަގަކޮށްފައި ވަނީ އުޅަނދުތައް އެޅޭނެ ތަން
އެޗްޑީސީން ބުނީ އެ ކޯޕަރޭޝަނުން އަބަދުވެސް މަސައްކަތް ކުރަނީ އާންމު ރައްޔިތުންނާއި ވިޔަފާރިވެރިންނަށް ދިމާވާ މިފަދަ އެންމެހާ ދަތިތަކަށް ހައްލު ހޯދައިދިނުމަށް ކަމަށެވެ.
Advertisement
This content is created and paid for by advertisers and does not involve Voice Journalists
