ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ، ދިވެހި ރެޑް ކްރެސެންޓް އަދި ކުޅުދުއްފުށީ ސިޓީ ކައުންސިލް ގުޅިގެން އުތުރު ސަރަޙައްދުގެ ކާރިސީ ހިރާސް ކުޑަކުރުމުގެ މަހާސިންތާއެއް ފަށައިފިއެވެ.
ހދ. ކުޅުދުއްފުށީގައި ފެށިގެން ކުރިއަށްދާ މި ރީޖަނަލް މަހާސިންތާ އެންމެ ފުރަތަމަ ފެށުނީ ވޭތުވެދިޔަ 2024 ވަނަ އަހަރު ދެކުނު ސަރަހައްދުން 4 އަތޮޅުގެ 97 ބައިވެރިންނާއިއެކުއެވެ. މިއީ މި ސިލްސިލާގެ ދެ ވަނަ މަހާސިންތާއެވެ.
މިމަހާސިންތާގައި ތިލަދުންމަތީ އުތުރުބުރި، ތިލަދުންމަތީ ދެކުނުބުރި، އަދި މިލަދުންމަޑުލު އުތުރުބުރި ރަށްތަކުގެ ކައުންސިލްތަކާއި، މި ސަރަޙައްދުގެ ކަމާގުޅުންހުރި އިދާރާތަކުގެ 75 ބައިވެރިން ބައިވެރިވާ ކަމަށް ޑިޒާސްޓަރ މެނޭޖްމަންޓުން ބުނެއެވެ.
މި މަހާސިންތާއަކީ 2 ދުވަހުގެ މުއްދަތަށް ކުރިއަށްދާ މަހާސިންތާއެއް ކަމަށާ، މި މަހާސިންތާގައި އިޖާބަދިނުމުގައި ހަރަކާތްތެރިވާ ފަރާތްތަކާއި، ކަމާއި ގުޅުންހުރި މިނިސްޓްރީކުގެ ސެޝަންތައް ކުރިއަށް ގެންދެވޭނެ ކަމަށްވެސް ބުނެފައިވެއެވެ.
Advertisement
This content is created and paid for by advertisers and does not involve Voice Journalists
