ކެންސަރު ފަރުވާ ހަރުދަނާކުރުމަށް އޮންކޮލޮޖީ ނަރުހުން ތަމްރީނު ކުރުމުގެ ޕްރޮގްރާމެއް

ކެންސަރު ފަރުވާއަށް އޮންކޮލޮޖީ ނަރުހުން ތަމްރީނުކުރުމަށް ފެށި ޕްރޮގްރާމުގެ ތެރެއިން.. ފޮޓޯ: އެސްޓީއޯ

ކެންސަރު ފަރުވާ ހަރުދަނާކުރުމަށް އެސްޓްރަޒެނެކާ އާއި އެސްޓީއޯ އަދި ކެންސަރ ސޮސައިޓީ އޮފް މޯލްޑިވްސް ގުޅިގެން އޮންކޮލޮޖީ ނަރުހުން ތަމްރީނު ކުރުމުގެ ޕްރޮގްރާމެއް ފަށައިފިއެވެ.

"ވަން" ނަމުގައި ފެށި މި ޕްރޮގްރާމަކީ، ކެންސަރު ބައްޔަށް ފަރުވާދިނުމުގައި އޮންކޮލޮޖީ ދާއިރާއަށް އަންނަމުންދާ ޒަމާނީ ކުރިއެރުންތަކާ އެއްވަރަށް ދިވެހިރާއްޖެ ތައްޔާރުކުރުމަށް ފެށި ޕްރޮގްރާމެއްކަމަށް އެސްޓީއޯއިން ބުނެއެވެ. 

އެސްޓީއޯއިން ބުނީ މި ޕްރޮގްރާމް ދިވެހިރާއްޖޭގައި ކެންސަރު ބައްޔަށް ފަރުވާދޭ ހުރިހާ މައިގަނޑު ހޮސްޕިޓަލުތަކެއްގެ ނަރުހުންނަށް އަމާޒުކޮއްގެން ކުރިއަށް ގެންދާކަމަށެވެ. ޕްރޮގްރާމް ކުރިއަށްދަނީ މައިގަނޑު 4 ސެޝަނެއްގެ މައްޗަށެވެ. މިހާތަނަށް ނިމިފައިވާ ދެ ސެޝަނުގެ ތެރެއިން، އެންމެ ފުރަތަމަ ބޭއްވުނު ސެޝަންގައި 55 ނަރުހުން ބައިވެރިވެފައިވާއިރު، ދެވަނައަށް ބޭއްވުނު ސެޝަންގައި 59 ނަރުހުން ވަނީ ބައިވެރިވެފައެވެ.

ކެންސަރު ފަރުވާއަށް އޮންކޮލޮޖީ ނަރުހުން ތަމްރީނުކުރުމަށް ފެށި ޕްރޮގްރާމުގެ ތެރެއިން.. ފޮޓޯ: އެސްޓީއޯ

އޮންކޮލޮޖީ ނަރުހުންނަކީ ބޭސްފަރުވާގެ އިތުރުން ކެންސަރު ބައްޔާ ބެހޭގޮތުން މަޢުލޫމާތު ފޯރުކޮށްދީ، ބަލިމީހުންނަށް ނަފްސާނީ ގޮތުންވެސް އެހީތެރިކަން ފޯރުކޮށްދޭ ބައެކެވެ. އެސްޓީއޯއިން ބުނީ ކެންސަރު ބައްޔާ ގުޅޭގޮތުން މުޖުތަމަޢުގެ ހޭލުންތެރިކަން އިތުރުކުރުމަށް މިފަދަ ޕްރޮގްރާމްތައް ހިންގުމަކީ އެކުންފުނިން ވަރަށްބޮޑު އިސްކަމެއްދޭ ކަމެއްކަމަށެވެ.  

ކޮމެންޓް