މި އަހަރުގެ އަރަފާތު ދުވަހު ޚުތުބާ ދެއްވާނީ ޙަރާމްގެ އިމާމު ޑރ. ޞާލިޙު ބުން ޢަބްދުالله ޙުމައިދު ކަމަށް ކަނޑައަޅުއްވައިފި
މި އަހަރު މަސްޖިދުއްނަމިރާގައި ޢަރަފާތު ދުވަހުގެ ޚުޠުބާ ދެއްވާނީ، އަލްމަސްޖިދުލްޙަރާމްގެ އިމާމު ފަޟީލަތުއްޝައިޚް ޑރ. ޞާލިޙު ބުން ޢަބްދުالله ޙުމައިދު ކަމުގައި ސަޢުދީ ރަސްގެފާނު ސަލްމާން ބުން ޢަބްދުލް ޢަޒީޒް ކަނޑައަޅުއްވައިފި އެވެ.
ރަސްގެފާނު ސަލްމާން ބުން ޢަބްދުލް ޢަޒީޒްގެ މި ނިންމެވުމުން މިއަދު ވަނީ ހާމަ ކުރައްވާފަ އެވެ. ކޮންމެ އަހަރަކު ވެސް މަސްޖިދުއްނަމިރާގައި ޢަރަފާތު ދުވަހުގެ ޚުޠުބާ ދެއްވާނެ ޚަތީބަކު ކަނޑައަޅުއްވަނީ ސީދާ ރަސްގެފާނެވެ.
އަލްމަސްޖިދުލްޙަރާމްގެ އިމާމު ފަޟީލަތުއްޝައިޚް ޑރ. ޞާލިޙު ބުން ޢަބްދުالله ޙުމައިދު އަކީ ވަރަށް ރީތިކޮށް ކީރިތި ޤުރުއާން ކިޔަވާ ވިދާޅުވާ އަދި ޚުތުބާ ދެއްވަވާ ބޭފުޅެކެވެ. ވަރަށް ހަގު އުމުުރުގައި ކީރިތި ޤުރުއާން ހިތުން ދަސްކުރައްވާ ހާފިޒަކަށް ވެވަޑައިގެންނެވި އެވެ.
މި އަހަރުގެ ޢަރަފާތު ދުވަހުގެ ޚުޠުބާ ޑރ. ޞާލިޙު ބުން ޢަބްދުالله ޙުމައިދު ދެއްވާއިރު ޢަރަފާތުގައި ހުރުމަކީ ޙައްޖުގެ އެންމެ މުހިންމު ރުކުނެވެ. އަރަފާތު ދުވަސް ނުވަތަ ޙައްޖު ދުވަހު އިއްވޭ ޚުތުބާ އަކީ މުޅި އިސްލާމީ އުންމަތް އެ ޚުތުބާއަކަށް އިންތިޒާރު ކުރެވޭ ޚުތުބާ އެކެވެ.
މީގެ އެތައް ސަތޭކަ އަހަރެއްގެ ކުރީން މާތް ނަބިއްޔާ, ޢަރަފާތުގައި ދެއްވި ޚުތުބާ އަކީ މުޅި އިންސާނިއްޔަތަށް އެ ޚުތުބާއަކުން އަގުހުރި އިރުޝާދުތަކެއް ލިބިގެންދިޔަ ޚުތުބާ އެކެވެ.
Advertisement
This content is created and paid for by advertisers and does not involve Voice Journalists
