ޒަކާތު ފަންޑުން މަތީ ތަޢުލީމު ހާސިލްކުރުމަށް ދޭ ސްކޮލަޝިޕްގެ މުއްދަތު އަނެއްކާވެސް އިތުރުކޮށްފި
ޒަކާތު ފަންޑުން އިސްލާމީ ދާއިރާތަކުން މަތީ ތަޢުލީމު ހާސިލްކުރުމަށް ދޭ ސްކޮލަރޝިޕްގެ މުއްދަތު އަނެއްކާވެސް އިތުރުކޮށްފިއެވެ.
ޒަކާތު ފަންޑުން ވަނީ މިދިޔަ މަހުގެ 14 ވަނަދުވަހު ރާއްޖެއާއި ރާއްޖެއިން ބޭރުން އިސްލާމީ ދާއިރާތަކުން މަތީ ތަޢުލީމު ހާސިލްކުރުމަށް ސްކޮލަރޝިޕްގެ 50 ފުރުސަތު ހުޅުވާލާފައެވެ. ސްކޮލާޝިޕްގެ 50 ފުރުސަތުގެ ތެރޭގައި ރާއްޖޭގައި ކިޔެވުމުގެ 20 ފުރުސަތާއި ރާއްޖެއިން ބޭރުން ކިޔެވުމުގެ 30 ފުރުސަތު ހިމެނެއެވެ. މީގެއިތުރުން ރާއްޖޭން ބޭރަުގައި މަތީ ތަޢުލީމު ހާސިލްކުރުމަށް ހުޅުވާލާފައިވާ 30 ފުރުސަތުގެ ތެރެއިން 13 ފުރުސަތަކީ ޚާއްސަ ސްކޮލާޝިޕްތަކެއްކަން އިސްލާމިކް މިނިސްޓްރީން ބުނެއެވެ.
މިފުރުސަތުތަކުގެ ތެރޭގައި ދިވެހިރާއްޖޭގެ ޤައުމީ ޔުނިވާސިޓީ އަދި ދިވެހިރާއްޖޭގެ އިސްލާމީ ޔުނިވާސިޓީގެ މާސްޓާސް ކޯސްތަކަށް ކިޔެވުމުގެ ފުރުސަތު ވަނީ ހުޅުވާލެވިފައެވެ.
ރާއްޖޭގައި ކިޔެވުމަށް ސްކޮލަރޝިޕް ދެވޭ ދާއިރާތަކުގެ ތެރޭގައި:
- މާސްޓާސް އޮފް އާޓްސް އިން ޤުރުއާނިކް ސައިންސެސް
- މާސްޓާސް އޮފް އިސްލާމިކް ރިވީލްޑް ނޮލެޖް، ލީޑާޝިޕް އެންޑް އެޑްމިނިސްޓްރޭޝަން
- އެގްޒެކެޓިވް މާސްޓާސް އިން އިސްލާމިކް ފައިނޭންސް
- މާސްޓާސް އޮފް އާޓްސް އިން ޝަރީއާ
- މާސްޓާސް އޮފް އާޓްސް އިން އިސްލާމިކް ސްޓަޑީސް
ރާއްޖެއިން ބޭރުން ކިޔެވުމަށް ފުރުސަތު ހުޅުވާލެވިފައިވަނީ މެލޭޝިއާ، ބުރޫނާއީ ސަޢޫދީ އަރަބިއްޔާ، މިޞްރު އަދި ސައުތް އޭޝިޔާގެ ޤައުމުތަކުންނެވެ.
މެލޭޝިއާ އަދި ބުރުނާއީގައި ކިޔަވަން ސްކޮލަރޝިޕް ދެވޭ ދާއިރާތަކުގެ ތެރޭގައި:
- ބެޗެލާރސް އިން ހަލާލް އިންޑަސްޓްރީ މެނޭޖްމެންޓްގެ ދެ ފުރުސަތު
- މާސްޓަރ އޮފް އިސްލާމިކް ބޭންކިންގް އެންޑް ފައިނޭންސް/މާސްޓާސް އޮފް ސައިންސް އިން އިސްލާމިކް ފައިނޭންސްގެ ދެ ފުރުސަތު
- މާސްޓަރ އޮފް އެޑިއުކޭޝަން އިން ޓީޗިންގ އޮފް އިސްލާމިކް އެޑިއުކޭޝަންގެ އެއް ފުރުސަތު
- މާސްޓަރ އޮފް ޤުރުއާނިކް އެންޑް ސުންނަ ސްޓަޑީސްގެ އެއް ފުރުސަތު
- މާސްޓަރ އޮފް އިސްލާމިކް ސައިންސްގެ އެއް ފުރުސަތު
- ޑޮކްޓަރ އޮފް ފިލޯސޮފީ އިން ޝަރީޢާ އެންޑް ޖުޑިޝަރީގެ އެއް ފުރުސަތު
- ޑޮކްޓަރ އޮފް ފިލޯސޮފީ އިން އިސްލާމިކް ސައިންސްގެ އެއް ފުރުސަތު
- ޑޮކްޓަރ އޮފް ފިލޯސޮފީ ދަޢުވާ އެންޑް އިސްލާމިކް މެނޭޖްމަންޓްގެ އެއް ފުރުސަތު
- ޑޮކްޓަރ އޮފް ފިލޯސޮފީ އިން ޤުރުއާނިކް އެންޑް ސުންނަ ސްޓަޑީސްގެ އެއް ފުރުސަތު
- ޑޮކްޓަރ އޮފް ފިލޯސޮފީ އިސްލާމިކް ބޭންކިންގް އެންޑް ފައިނޭންސްގެ ދެ ފުރުސަތު
- ޑޮކްޓަރ އޮފް ފިލޯސޮފީ އިން ޝަރީއާ އެންޑް ލޯ ގެ ދެ ފުރުސަތު
- މާސްޓާސް އިން އިސްލާމިކް ސިވިލައިޒޭޝަން އެންޑް ކޮންޓެމްޕަރަރީ އިޝޫސްގެ އެއް ފުރުސަތު
- ޕީއެޗްޑީ އިން އިސްލާމިކް ސިވިލައިޒޭޝަން އެންޑް ކޮންޓެމްޕަރަރީ އިޝޫސްގެ އެއް ފުރުސަތު ހިމެނެއެވެ.
މީގެ އިތުރުން، ސަޢޫދީ އަރަބިއްޔާ އަދި މިޞްރުގެ ޔުނިވާސިޓީތަކުން 13 ޙާއްސަ ސްކޮލަޝިޕްގެ ފުރުސަތުތަށް ވަނީ ހުޅުވާލެވިފައެވެ.
ފާހަގަކޮށްލަންޖެހޭކަމަކީ، ޒަކާތު ފަންޑުން މީގެ ކުރިންވެސް މިފަދަ ސްކޮލަޝިޕްގެ ފުރުސަތުތަކަށް ހުޅުވާލާފަވެއެވެ.
ޒަކާތު ފަންޑުން ތައުލީމް ހާސިލްކުރުމަށް މާލީގޮތުން އެހީތެރިކަން ފޯރުކޮށްދެނީ، ޝަރުޢީގޮތުން ހުއްދަ ދާއިރާތަކުން ކިޔެވުމަށް ބޭނުންވާ ދަރިވަރުންގެ ތެރެއިން މާލީގޮތުން ފުދުންތެރިކަން ނެތް ދިވެހި ދަރިވަރުންނަށެވެ.
Advertisement
This content is created and paid for by advertisers and does not involve Voice Journalists
