ކައުންސިލްގެ އެއްވެސް ހަފްލާއެއްގަައި ދުފާ ތަކެތި ބޭނުން ކުރުން މަނާކޮށްފި
މާލެ ސިޓީ ކައުންސިލްގެ ހަފްލާތަކުގައި ދުފުމަށް ބޭނުން ކުރާ އެއްވެސް ބާވަތެއް ބޭނުން ނުކުރުމަށް ކައުންސިލުން ނިންމައިފި އެވެ.
ކައުންސިލުން މި ގޮތަށް ނިންމީ ކެންސ ސޮސައިޓީ އޮފް މޯލްޑިވްސްގެ ހުށަހެޅުމަކާ ގުޅިގެން މިއަދު ބޭއްވި މާލެ ސިޓީ ކައުންސިލްގެ ހަތަރު ވަނަ ދައުރުގެ 196 ވަނަ އާންމު ޖަލްސާގައި މަޝްވަރާ ކުރުމަށް ފަހުއެވެ.
މިއަދުގެ ބައްދަލްވުމުގައި މާލެ ސިޓީ މޭޔާ އާދަމް އާޒިމް ވިދާޅުވީ، މާލެ ސިޓީ ކައުންސިލުން ކުރިއަށްގެންދާ އެއްވެސް ހަފުލާއެއްގައި ދުފުމަށް ބޭނުން ކުރާ އެއްވެސް ބާވަތެއް ދެން ބޭނުން ނުކުރާނެ ކަމަށެވެ.
މި ހުށައެޅުމަށް ކައުންސިލްގެ ގިނަ މެންބަރުން ތާޢީދު ކުރި އެވެ.
ތަފާސް ހިސާބުތަކަށް ބަލާއިރު، ކެންސަރު ބައްޔަކީ އާސަންދައިގެ ދަށުން ރާއްޖެއިން ބޭރުން އެންމެ ގިނައިން ބޭސްފަރުވާގެ ހިދުމަތް ހޯދާ އެއް ބައްޔެވެ. ދުފުމަކީ އެކަމުގެ ސަބަބުން ކެންސަރު ފަދަ ނުރައްކާތެރި ބަލިތަކަށް ހުށައެޅޭ ކަމެއް ކަމަށް ސިއްހީ ތަޖުރިބާ ކާރުން ބުނެ އެވެ.
ސިޓީ ކައުންސިލުން ބުނީ މިއަދު ފާސްކުރި ނިންމުމާއި ގުޅިގެން މީގެ ފަހުން މާލެ ސިޓީ ކައުންސިލުން ބާއްވާ އެއްވެސް ހަފުލާއެއްގައި ދުފުމަށް ބޭނުންކުރާ އެއްވެސް ބާވަތެއް ނުބަހައްޓާނެ ކަމަށެވެ.
Advertisement
This content is created and paid for by advertisers and does not involve Voice Journalists
