އެޗްއާރުސީއެމުން ފަސް އަހަރަށް 400 އަކަފޫޓްގެ ގުދަނެއް ކުއްޔަށް ނަގަނީ
ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އިން ފަސް އަހަރަށް 400 އަކަފޫޓްގެ ގުދަނެއް ކުއްޔަށް ނަގަން ނިންމައިފި އެވެ.
އެ ކޮމިޝަނުން ވަނީ 250-400 އާ ދެމެދު އަކަފޫޓުގެ ގުދަނެއް ހިފަން ބޭނުންވެގެން ޖަނަވަރީ ނުވަ ވަނަ ދުވަހ އިއުލާނެއް ކޮށްފަ އެވެ. އެ ކޮމިޝަނުން ބުނީ އެ އިއުލާނާއި ގުޅިގެން ހުށަހެޅި އަންދާސީ ހިސާބު ތަކުގެ އަގު މިކޮމިޝަނުން ކަނޑައަޅާފައިވާ ބަޖެޓަށްވުރެން ބޮޑު ކަމަށެވެ.
އެހެން ކަމުން އެ އިއުލާނު ބާތިލުކޮށް އަލުން ވަނީ އިއުލާނު ކޮށްފަ އެވެ. އެ ކޮމިޝަނުން ވަނީ އެކަމަށް އެދޭ މީހުން ޖޫން 11 ވަނަ ދުވަހުގެ ކުރީން އަންދާސީ ހިސާބު ހުށައެޅުމަށް އެދިފަ އެވެ.
އެޗްއާރުސީއެމުން ގުދަނެއް ނަގަނީ ކީއްކުރަން ކަމެއް ނުބުނެ އެވެ.
ޒިންމާ އަދާކުރުމުގައި ފެއިލްވެފައިވާ އެ ކޮމިޝަނަށް އަބަދުވެސް އާންމުންގެ ބޮޑު ފާޑުކިޔުމެއް އޮވެ އެވެ. ރައްޔިތުންގެ ގިނަ ބަޔަކު ދެކޭ ގޮތުގައި މިނިވަން މުއައްސަސާތަކުގެ ތެރެއިން އޭރަކު އޮންނަ ސަރުކާރެއްގެ ނިވަލަށް ވަދެ ކޮމިޝަނުންގެ މެންބަރުން ގާނޫނީ ޒިންމާއިން ރެކި ބޮޑު މުސާރަ ނައިގެން ތިބެނީ އެވެ. އެއީ ބޭކާރު ކޮމިޝަނެއް ކަމަށް ގިނަ ބަޔަކު ދެކެ އެވެ.
Advertisement
This content is created and paid for by advertisers and does not involve Voice Journalists
