އޮޑިއެއް ނުވަތަ ކަނޑު އުޅަނދެއް ބަނުމަކީ އާދައިގެ މަޝްރޫޢެއް ނޫނެވެ. އެ މަސައްކަތުގައި ތެރެއިން ބާއްވާލާ ކޮންމެ ލަކުޑިބުރިއަކާއި ދަގަނޑެއް، ރެޒިނުން ނުވަތަ ފައިބަރުން އަޅާ ކޮންމެ ފަށަލައަކީ ވެސް ބޮޑު ތަސައްވަރެއް ހަގީގަތަކަށް ހެދުމުގެ ފިޔަވަޅެކެވެ.

އެކަމަކު ކޮންމެ ތަސައްވަރެއް ނުވަތަ ހުވަފެނެއް ހަގީގަތަށް ހެދުމުގެ ދަތުރަކީ ހިރާސްތަކެއް ކުރިމަތިނުވެ ނުދާނެ ކަމެކެވެ. އަލިފާނުގެ ހާދިސާތަކާއި ފެންބޮޑުވުމާއި އަދި ގުދުރަތީ ކާރިސާތައް ހިންގުމަކީ ވެސް އެތައް މަހެއްގެ މަތިން ކުރި ބުރަ މަސައްކަތްތައް ކުޑަ ވަގުތުކޮޅެއް ތެރޭގައި މަގުން ކައްސުވާލާ ކަންކަމެވެ.

ބޯޓް ބިލްޑިންގް އިންޝުއަރަންސް އޮންނަނީ މި ސަބަބަށް ޓަކައެވެ. އޮޑި ބޭލުމުގެ ކުރިން، ކުރި ހުރިހާ މަސައްކަތެއް ފެނަށް ދިޔަނުދިނުމަށެވެ. ކުރިމަތިވާ ހުރަހަކާ ހެދި ދިމާވާ މާލީ ގެއްލުންތަކުން ސަލާމަތްކޮށްދީ، ކުރިއަށް ދެވޭނެ ފުޅާ މަގެއް ކޮށައިދިނުމުގެ ބޭނުމުގައެވެ. އެއީ މަހަށް ދާ ބޯޓެއް، ލޯންޗެއް، ނުވަތަ ސަފާރީ އުޅަނދެއް ވިޔަސް މައްސަލައެއް ނެތެވެ.

އެލައިޑުގެ ބޯޓް ބިލްޑިންގް އިންޝުއަރަންސުން ކަވަރުކޮށްދޭ ތަކެތީގެ ތެރޭގައި ހަދަމުންދާ އުޅަނދުގެ ހަލް ނުވަތަ ސުޕަރސްޓްރަކްޗާ (ބޭނުންކުރާ ތައްގަނޑު ނުވަތަ މޯލްޑާއެކު)، އޮޑި ބަނުމުގެ މަސައްކަތަށް ބޭނުންކުރުމަށް އޮޑިހަރުގޭގައި ރައްކާކޮށްފައިވާ ތަކެއްޗާއި، އަދި އޮޑިހަރުގެ ވެސް ހިމެނެއެވެ. އަލިފާނުގެ ހާދިސާއެއް ނުވަތަ ހޮނުއެޅުން، ގަދަ ވަޔާއި ވިއްސާރައިގައިވާ ގެއްލުންތަކަށް ކަވަރޭޖު ލިބޭނެއެވެ.

ނަމަވެސް މި ޕްލޭނުގައި ނުހިމެނޭ ބައެއް ކަންކަން ވެސް ހިމެނެއެވެ. އޭގެ ތެރޭގައި މަސައްކަތަށް ބޭނުންކުރާ މެޝިނަރީ، ފަރުވާކުޑަކޮށް މަސައްކަތް ކުރެވިގެން ލިބޭ ގެއްލުން، އޮޑިހަރުގޭގެ ބޭރުގައި ހުންނަ މުދާ، ޕްރޮޖެކްޓު ލަސްވުމުގެ ސަބަބުން އަންދާޒާކުރި އާމްދަނީއެއް ނުލިބުން ފަދަ ކަންކަމަކީ ޕްލޭނުގައި ހިމެނޭ ކަންކަމެއް ނޫނެވެ. މިފަދަ މަދު ކަންތައްތަކެއް ފިޔަވާ، މަސައްކަތަށް ކުރިމަތިވެދާނެ ގިނަ ހުރަސްތަކުން ދިމާވާ ގެއްލުންތަކަށް މި ޕްލޭނުން ކަވަރޭޖު ލިބޭނެއެވެ.

މީގެ އިތުރުން އެލައިޑުގެ މި ޕްލޭނަކީ ފްލެކްސިބަލް ޕްލޭނެކެވެ. އުޅަނދު ބަނުމުގެ މަސައްކަތް ނިމުމުގެ ކުރިން ޕްލޭނުގެ ކަވަރޭޖު މުއްދަތު ނިމިދާނެކަމާ މެދު ހާސްވާކަށް ނުޖެހޭނެއެވެ. އުޅަނދުގެ ހަލް ނިމުމާ ހަމައަށް ޕްލޭން ހިނގާނެއެވެ. 

ބޯޓް ބިލްޑިންގް އިންޝުއަރަންސަކީ ކުރިމަތިވެދާނެ ގެއްލުމަކުން ސަލާމަތްވުމަށް އަޅާ ފިޔަވަޅެއް އެކަންޏެއް ނޫނެވެ. މިއީ އޮޑިއެއް ބަނުމަށް ޓަކައި އޮޑިވެރިޔާ ކުރާ މަސައްކަތުގައި، އޭނާގެ ސިކުނޑިއަށް ފަސޭހަކަމެއް ގެނެސްދޭނެ ކަމެކެވެ. އުޅަނދު ބަނުމުގެ ދަތުރުގައި ކުރިމަތިވެދާނެ ނުރައްކާތަކަށް ފިކުރުކުރުމުގެ ބަދަލުގައި، ފައްކާ އޮޑިއެއް ބަނުމުގެ ހުވަފެން ހަގީގަތަށް ހެދުމުގެ މަސައްކަތަށް ހުރިހާ ސަމާލުކަމެއް ދެވޭނެ މަގަކީ މިއީއެވެ.

އެލައިޑް އިންޝުއަރަންސްގެ ވެބްސައިޓުން، ބޯޓް ބިލްޑިންގް އިންޝުއަރަންސާ ބެހޭ އިތުރު މަޢުލޫމާތު ބައްލަވާލައްވާށެވެ.

ބޯޓް ބިލްޑިންގ އާ ބެހޭ އިތުރު މައުލޫމާތު ހޯދުމަށް: https://allied.mv/insurance-plan/boat-building/