ގަވާއިދާ ހިލާފަށް ހުޅުމާލޭގައި އުޅުނު ބިދޭސީންތަކެއް އަނެއްކާވެސް އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ.
އިމިގްރޭޝަނުން އެކްސްގައި ކޮށްފައިވާ ޕޯސްޓެއްގައި ބުނެފައިވާ ގޮތުގައި، އިއްޔެ ރޭ ހުޅުމަލޭގައި އިމިގްރޭޝަންގެ ޓާސްކް ފޯސްއިން ކުރިޔަށް ގެންދިޔަ އޮޕަރޭޝަނެއްގައި ހުޅުމާލޭގައި ހުރި ބިދޭސީން ދިރިއުޅެމުން ދިޔަ ތަނެއް ބަލައި ފާސްކޮށްފައިވާކަމަށެވެ. އެގޮތުން އެތަން ފާސްކޮށް، ޤަވާއިދާހިލާފަށް އުޅޭކަން ފާހަގަކުރެވިގެން ތިން ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފައިވާކަމަށް އެ އިދާރާއިން ބުންޏެވެ.
އިމިގްރޭޝަނުގެ ބެލުމުގެ ދަށަށް ގެންދިޔަ ތިންމީހުންގެ އަތުގައި އެއްވެސް ކަހަލަ ސައްޙަ ލިޔެކިޔުމެއް ނެތްކަމަށް އެ އިދާރައިން ބުންޏެވެ.
ރައްޖޭގައި ގަވާއިދާ ހިލާފަށް އުޅެމުން އަންނަ ބިދޭސީން ހޯދުމަށް އިމިގްރޭޝަނުން ވަނީ ސަރުކާރުގެ ކަމާބެހޭ މުއައްސަސާތަކާ ގުޅިގެން ހާއްސަ އޮޕަރޭޝަނެއް ފަށާފައެވެ، އެ ގޮތުން މިއަހަރުގެ މިހާތަނަށް ގަވާއިދާ ހިލާފަށް އުޅެމުން ދިޔަ 5000 އަށް ވުރެ ގިނަ ބިދޭސީން ޑީޕޯޓް ކުރެވިފައިވާ ކަމަށް މީގެ ކުރިން އިމިގްރޭޝަނުން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
