އެމްއޭސީއެލްގެ ޗެއާޕާސަން ކަމުގެ މަގާމަށް ނޫރައިން އައްޔަނުކޮށްފި
މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) ގެ ޗެއާޕާސަންގެ މަގާމަށް އައިޝާ ނޫރައިން ޖަނާހު މިއަދު އައްޔަނުކޮށްފިއެވެ.
އެމްއޭސީއެލްގެ ޗެއާޕާސަންކަމުގެ މަގާމަށް ނޫރައިން އައްޔަނުކުރިކަން ޕީސީބީންވެސް ވަނީ އެކްސްގައި ކުރި ޕޯސްޓެއްގައި ޔަގީންކޮށްދީފައެވެ.
އެމްއޭސީއެލްގެ ޗެއާޕާސަންގެ މަގާމުގައި އެންމެފަހުން ހުންނެވީ މުހައްމަދު އުމަރު މަނިކު (އެމްޔޫ މަނިކު) އެވެ. އެމްޔޫމަނިކް މަޤާމުން އިސްތިއުފާ ދެއްވާފައިވަނީ ބަލިހާލަތު ހުރިގޮތުން މިދިޔަ އަހަރުގެ ތެރޭގައެވެ. އެމްއޭސީއެލްގެ ޗެއަޕާސަންގެ މަޤާމަށް އައްޔަނުކުރި ނޫރައިން އެންމެފަހުން ހުންނެވީ މޯލްޑިވްސް މާކެޓިން ޕީއާރު ކޯޕަރޭޝަނުގެ ޗެއާޕާސަންކަމުގެ މަޤާމުގައެވެ. އޭނާ މަޤާމުން އިސްތިއުފާދެއްވާފައިވަނީ، މިދިޔަ އަހަރުގެ މެއިމަހުގެ ތެރޭގައެވެ. ނޫރައިން މަގާމުން އިސްތިއުފާދެއްވީ ކޮން ސަބަބަކާހެދިކަމެއް ޕީސީބީއަކުން ބުނެފައެއް ނުވެއެވެ.
ނޫރައިން އަކީ މަޝްހޫރު ވިޔަފާރިވެރިޔާ މުހައްމަދު އަލީ ޖަނާހު ދަރިކަނބަަލުންނެވެ
ނޫރައިން އަކީ އެކައުްނޓިން ދާއިރާގެ ސްޕެޝަލިސްޓެކެވެ. އޭނާއަކީ ޗާޓަޑް އެކައުންޓަންޓެކެވެ. ނިއުޒީލޭންޑުގެ އެންމެ ބޮޑު ޓެކްސް ފާމް ކަމަށްވާ ވިލިއަމް ބަކްގައި މަސައްކަތް ކުރެއްވި ނޫރައިން ވަނީ ނިއުޒިލެންޑްގެ “ސްޓަފް” ނޫހުން ހޮވި އެންމެ ނުފޫޒު ގަދަ އަންހެނުންގެ ލިސްޓުގައި 2017 އަހަރު ހިމެނިފަ އެވެ. އޭގެ ކުރިން 2015 ވަނަ އަހަރު “ވެެއިޓްމަޓާ ލޯކަލް ބޯޑް ގޫޑް ސިޓިޒެން އެވޯޑް” ވެސް ހޯއްދެވި އެވެ.
Advertisement
This content is created and paid for by advertisers and does not involve Voice Journalists
