ގެދޮރުވެރިޔާ ސްކީމުގެ ދަށުން ކުރީ ސަރުކާރުން އަޅަން ފަށާފައިވާ ފްލެޓްތައް ލިބޭނެ ކަމަށް ކަނޑައަޅާފައިވާ ލިސްޓްގައި ހުރި ގޯސްތައް ކޮންސްޓްރަކްޝަން އެންޑް ހައުސިން މިނިސްޓްރީން މިއަދު ފާހަގަކޮށްފި އެވެ.
ގެދޮރުވެރިޔާ ސްކީމުން ފްލެޓް ލިބޭ މީހުންގެ ފައިނަލް ލިސްޓެއް މި ސަރުކާރުން ނުނެރެން ނިންމާ އެ ސްކީމުން ފްލެޓް ލިބޭ މީހުންގެ ފައިނަލް ލިސްޓަކީ ކުރީ ސަރުކާރުން ނެރުނު ލިސްޓް ކަމަށް ވަނީ ކަނޑައަޅާފަ އެވެ.
މިއަދު އޮތް ނޫސްވެރީންގެ ބައްދަލްވުމުގައި މިނިސްޓަރު މުއްތަލިބު ވިދާޅުވީ ލިސްޓްގައި ހިމެނޭ މީހުންގެ ތެރޭގައި ދެމަފިރީންނަށް ވެސް ހިމެނިފައި އެބަހުރި ކަމަށެވެ. އަދި މިހާރުވެސް ފްލެޓާއި ގޯތި އޮތް އެތައް ބަޔަކު ވެސް ހިމެނޭ ކަމަށެވެ. މީގެ އިތުރުން ކުރީ ސަރުކާރުް ބިންވެރިޔާ ސްކީމުން ގޯތި ލިބުނު މީހުން ވެސް ހިމެނޭ ކަމަށެވެ.
އެ ތަފްސީލް މިނިސްޓަރު ވަނީ ވިދާޅުވެ ދެއްވާފަ އެވެ.
* 391 ދެމަފިރީންނަށް ލިސްޓްގައި ހިމެނޭ
* ގޯއްޗާއި ފްލެޓް އޮތް 302 މީހަކު ހިމެނޭ
* ބިންވެރިޔާގެ ސްކީމުން ގޯތި ލިބުނު 305 މީހަކު ހިމެނޭ
މީގެ އިތުރުން އޮޅުވާލައިގެން ފްލެޓް ލިސްޓްގައި ނަން ހިމަނާފައިވާ މީހުން ތިބި ކަމަށް ވިދާޅުވި އެވެ.
މިނިސްޓަރު ވިދާޅުވީ ސަރުކާރުގެ ސިޔާސަތަކީ ކޮންމެ އާއިލާއަކަށް ބޯހިޔާވަހިކަމެއް ފޯރުކޮށް ދިނުން ކަމަށެވެ. އެހެން ކަމުން ދެމަފިރީންނަށް ފްލެޓް ލިބިފައިވާނަމަ އެކަކު ފްލެޓް ދޫކޮށްލަން ޖެހޭނެ ކަމަށް ވިދާޅުވި އެވެ. އަދި ގޯއްޗާއި ފްލެޓް އޮތް މީހަކަށް އަލުން ފްލެޓް ލިބުމަކީ އިންސާފެއް ނޫން ކަމަށް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
