މިއަހަރު ނިމުމުގެ ކުރިން 18 އަހަރުން މަތީގެ އެންމެނަށް ބޯހިޔާވަހިކަން ކަށަވަރުކޮށްދިނުމަށް ލިޔުން ހަވާލުކުރނޭކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ދައުލަތުެގ މީޑިއާއަށް ދެއްވި ބަސްދީގަތުމެއްގައި ރައީސް ޑރ.މުއިއްޒު ވިދާޅުވީ، ބޯހިޔާވަހިކަމެއްނެތި މާލެ ސަރަހައްދުގައި ދިރިއުޅެމުންދާ މީހުނަށް ބޯހިޔާވަހިކަން ފޯރުކޮސްދިނުމުގެ ގޮތުން ކުރިއަށްގެންދިއުމަށް ނިންމާފައިވާ މަޝްރޫޢުއަށް މިއަހަރުގެ ތެރޭގައި ކުރިމަތިލުމުގެ ފުރުސަތު ހުޅުވާލާނޭކަމަށެވެ. ރައީސް ވިދާޅުވީ މިކަމަކީ ސަރުކާރުގެ މުހިއްމު ވައުދެއް ކަމަށާއި، އެ ވައުދު ފުއްދަވާނޭކަމަށެވެ.
ރައީސް ވިދާޅުވީ މާލެ ސަރަހައްދުގައި އަމިއްލަ ގޯއްޗެއް ނުވަތަ ފްލެޓެއް ނެތް މީހުނަށް ބޯހިޔާވަހިކަން ދިނުމަށް ކުރިއަށްގެންދާ އެ މަޝްރޫޢުއަށް ކުރިމަތިލުމަށް ހުޅުވާލައި މިއަހަރުގެ ތެރޭގައި ބޯހިޔާވަހިކަން ކަށަވަރުކޮދިނުމުގެ ލިޔުން ހަވާލުކުރާނޭކަމަށެވެ. ލިޔުން ހަވާލުކޮށްދޭއިރު، އެމީހެއްގެ ގޯތި ނުވަތަ ބިން ލިބޭ ތަންވެސް ކަށަވަރުކޮށްދޭނޭކަމަށް ރައީސް ވިދާޅުވިއެވެ
މި މަޝްރޫޢުގެ ދަށުން ބޯހިޔާވަހިކަން ފޯރުކޮށްދޭނީ މާލެ ސަރަހައްދުގެ އިތުރުން ރަސްމާލެއިންކަމަށްވެސް ރައީސް ވިދާޅުވިއެވެ.
ބޯހިޔާވަހިކަން ނުލިބިތިބި އެންމެނަށް ބޯހިޔާވަހިކަން ކަށަވަރުކޮށްދިނުމަކީ ރައީސް ޑރ.މުއިއްޒުގެ ރިޔާސީ އެންމެ މުހިއްމު އެއް ވައުދެވެ. އެ އަމާޒަށް ވާސިލްވުމަށް މާލެ ސަރަހައްދުގެ އިތުރުން އަތޮޅުތެރޭގައިވެސް ބޯހިޔާވަހިކަން ފޯރުކޮށްދިނުމަށް ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ. މިގޮތުންކުރަމުން އަންނަ މަސައްކަތްތަކުގެ ދަށުން އަތޮޅުތެރޭގެ ގިނަ ރަށްރަށުގައި ރޯ ހައުސްތައް އިމާރާތްކޮށްދޭނޭ ފަރާތްތައް ހޯދުމަށް އިއުލާނުކޮށްފައެވެ.
Advertisement
This content is created and paid for by advertisers and does not involve Voice Journalists
