ކުޅުދުށްފުށީ ސްކޫލްތަކަށް އެރަށު ކައުންސިލުން އެއް ލައްކަ ރުފިޔާ ހަދިޔާކޮށްފި
ކުޅުދުށްފުށީ ސިޓީ ކައުންސިލުން އެ ސިޓީގެ ކޮންމެ ސްކޫލަކަށް އެއް ލައްކަ ރުފިޔާ ހަދިޔާކޮށްފިއެވެ.
ކުޅުދުއްފުށީ ސިޓީ ކައުންސިލުން ބުނީ މި އަހަރު 'ސްކޫލު ގްރާންޓް' އަށް ހުޅުވާލި ފުރުސަތުގައި ހުށަހަޅާފައިވާ ޕްރޮޕޯސަލްތަކުގައި ހުރި ކަންކަން ކުރުމަށް ކޮންމެ ސުކޫލަކަށް ޖުމުލަ އެއްލައްކަ ރުފިޔާ ދިނުމަށް ނިންމާފައިވާނެއެވެ. ކުޅުދުއްފުށީ ކައުންސިލުން ވަނީ މީގެ ކުރިންވެސް މިގޮތަށް ސްކޫލްތަކަށް އެހީދީފައެވެ. އެގޮތުން އެންމެ ފުރަތަމަ އެހީ ދޭން ފަށާފައިވަނީ 2022 ވަނަ އަހަރުން ފެށިގެންނެވެ.
ކުޅުދުއްފުށީގައި ޖުމުލަ ތިން ސްކޫލު ހިންގައެވެ. އެއީ އަފީފުއްދީން ސުކޫލާއި، ޖަލާލުއްދީން ސުކޫލާުގެ އިތުރުން ހދ. އަތޮޅު އެޑިއުކޭޝަން ސެންޓަރެވެ.
ކުޅުދުށްފުށީ ސިޓީ ކައުންސިލުން ބުނީ، އެ ގްރާންޓް ތައާރަފުކުރުމުގެ މަގުސަދަކީ އެސިޓީގެ ސްކޫލްތަކުގެ ފެންވަރު ރަނގަޅުކުރުމަށްޓަކައި ސުކޫލްތަކުގެ ވަސީލަތްތައް ތަރައްގީކުރުމުގެ އިތުރުން ދަރިވަރުންގެ ކުރިއެރުމަށް ހިންގާ ހަރަކާތްތަކަށް އެހީތެރިވުން ކަމަށެވެ. އަދި ހަމައެހެންމެ، ސްކޫލްތަކުގެ ޕީޓީއޭއިން ފައިސާ ހޯދުމަށް ކުރަމުން އަންނަ މަސައްކަތް ފާހަގަކޮށް، އެފަދަ މަސައްކަތްތަކަށް އެއްބާރުލުންދީ އެހީތެރިކަން ފޯރުކޮށްދިނުމަކީ ގްރާންޓް ތައާރަފް ކުރުމުގެ މަގުސަދެއްކަން އެ ކައުންސިލުން ވަނީ ފާހަގަކޮށްފައެވެ.
Advertisement
This content is created and paid for by advertisers and does not involve Voice Journalists
