ރިވައިވަލް ސްޕޯޓްސް ކްލަބުން އިންތިޒާމުކޮށްގެން އޭދަފުށީގައި ބާއްވާ "ރިވައިވަލް ސްޕޯޓްސް އޭދަފުށި ޖޫނިއާ އޯޕަން 2025" ބެޑްމިންޓަން މުބާރާތުގައި ބައިވެރިވުމުގެ ފުރުސަތު އާންމުކޮށް ހުޅުވައިލައިފި އެވެ.

ރިވައިވަލް ސްޕޯޓްސް ކުލަބުގެ ފަރާތުން މުޅި ރާއްޖެއަށް ހުޅުވާލައިގެން ބާއްވާ މިމުބާރާތަކީ ރާއްޖޭގައި މިކުޅިވަރުގެ ދިރުވައި އާލާކުރުމުގެ އިތުރުން ބެޑްމިންޓަންގެ ޒުވާން ޖީލެއް ބިނާކުރުމުގެ މަގުސަދުގައި މިދިޔަ އަހަރުން ފެށިގެން އޭދަފުށީގައި އެކުލަބުން ބާއްވަން ފެށި މުބާރާތެކެވެ. އަދި މިދިޔަ އަހަރު ބޭއްވި މުބާރާތުގައި ރާއްޖޭގެ އެކި ކަންކޮޅުތަކުން 150 އަށްވުރެ ގިނަ ކުޅުންތެރިން ވަނީ ވާދަކޮށްފައެވެ.

ދެ ޑިވިޝަނަކަށް ބަހާލައިގެން ކުރިއަށް ގެންދާ މިމުބާރާތުގެ ފިރިހެން ޑިވިޝަނުގައި ސިންގަލްސް 9، 11، 13، 15، 17 އަދި 19 އަހަރުންދަށުގެ އުމުރުފުރާގެ އިތުރުން ފިރިހެން ޑަބަލްސް އިވެންޓް ހިމެނޭއިރު، އަންހެން ޑިވިޝަނުގައި ސިންގަލްސް 11، 13، 15، 17 އަދި 19 އަހަރުންދަށުގެ އުމުރުފުރާގެ އިތުރުން އަންހެން ޑަބަލްސް އިވެންޓް ކުރިއަށް ގެންދިއުމަށް ވަނީ ހަމަކެހިފައެވެ.

25 ޖޫން 2025 އިން 28 ޖޫން 2025 ގެ ނިޔަލަށް އޭދަފުށި ޒުވާނުންގެ މަރުކަޒު ކޯޓުގައި ބޭއްވުމަށް ހަމަޖެހިފައިވާ މި މުބާރާތުގައި ބައިވެރިވުމުގެ ފުރުސަތު މި މަހުގެ 15 ވަނަ ދުވަހުގެ ނިޔަލަށް ހުޅުވާލައިފައިވާއިރު، މުބާރާތުގައި ބައިވެރިވުމަށް ޝައުގުވެރިވެލައްވާ ފަރާތްތަކުން 7918361 ނުވަތަ 7900450 ނަންބަރު ފޯނަށް ގުޅައިގެން މައުލޫމާތް ސާފުކުރެއްވުމަށް ރިވައިވަލް ސްޕޯޓްސް ކުލަބުގެ ފަރާތުން ވަނީ އެދިފައެވެ.