ލައިބާ ހޯދި ކާމިޔާބަކީ ގައުމަށް ލިބުނު ވަރަށް ބޮޑު ފަހުރެއް: ރައީސް
އާމޭނިއަން ޔޫތު އޯޕަންގައި ބައިވެރިވެ، ތިން ރަން މެޑަލް ހާސިލްކުރި ލައިބާ އަހްމަދު މަހްލޫފަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މަރުހާ ވިދާޅުވެއްޖެ އެވެ.
އެކްސްގައި ކުރެއްވި ޕޯސްޓެއްގައި ރައީސް ވަނީ ލައިބާގެ ކާމިޔާބީ ފާހަގަ ކުރައްވާ ސާބަހާއި މަރްހްބާ ދަންނަވާ ކަމަށް ވިދާޅުވެފަ އެވެ.
ރައީސް ވިދާޅުވީ ބައިނަލްއަގްވާމީ ޖޫނިއާ ބެޑްމިންޓަން މުބާރާތެއްގައި ލައިބާ މި ހޯދި ކާމިޔާބަކީ ދިވެހި ގައުމަށް ލިބުނު ވަރަށް ބޮޑު ފަހުރެއް ކަމަށެވެ.
އާމޭނިއަން ޔޫތު އޯޕަންގައި ބައިވެރިވެ ލައިބާ ވަނީ ތިން ރަން މެޑަލް ހާސިލް ކޮށްފައި --
އެމަނިކުފާނު ވިދާޅުވީ މިއީ ކުޅިވަރުގައި ރަނގަޅު މުސްތަގްބަލެއް ހޯދަން މަސައްކަތް ކުރާ ކޮންމެ ކުއްޖަކަށް ނަމޫނާއެއް ކަމަށެވެ.
"އަޅުގަނޑު އެދެނީ ލައިބާއަށް އިތުރު ކާމިޔާބީއާއި ރަން ވަނަތަކަށް. އަދި ހިތްވަރާއި ހުނަރުވެރިކަމާއެކު ކުރިއަށް ދިއުމަށް," ރައީސް ކުރެއްވި ޕޯސްޓްގައި ވިދާޅުވި އެވެ.
ދިވެހި ކުޅުންތެރީންގެ ތެރެއިން 13 އަހަރުން ދަށުގެ އެއްވަނަ ބެޑްމިންޓަން ކުޅުންތެރިޔާ ކަމަށްވާ ލައިބާ އަކީ ކުޅިވަރުގައި ވަރަށް ފާހަގަކޮށްލެވޭ ކުޅުންތެރި އެކެވެ.
އާމޭނިއަން ޔޫތު އޯޕަންގައި ބައިވެރިވެ ލައިބާ ވަނީ ތިން ރަން މެޑަލް ހާސިލް ކޮށްފައި --
ލައިބާގެ މި ކާމިޔާބީގައި އޭނާގެ ބައްޕަ, ކުރީގެ ޔޫތު މިނިސްޓަރު އަހްމަދު މަހްލޫފް އާއި މަންމަ, ނަޒްރާ ނަސީމްގެ ބައިވެރިވުމާއި ހިތްވަރު ވަރަށް ބޮޑެވެ.
އެންމެ ކުޑައިރުން ފެށިގެން ލައިބާ މިހާރު ހުރި ހިސާބަށް ގެނައުމަށް އެ ދެމަފިރީން ކޮށްފައިވަނީ ނަމޫނާ މަސައްކަތްތަކެކެވެ. ތަޖުރިބާކާރުންގެ އިރުޝާދުގެ ދަށުން ފުރިހަމަ ޓްރެއިން ދިނުމާއި އެކި މުބާރާތަކުގައި ބައިވެރިކޮށް ކާމިޔާބު ހޯދުމަށް ގިނަ މަސައްކަތްތަކެއް ކޮށްފައިވެ އެވެ.
ލައިބާގެ ކޮންމެ މުބާރާތަކަށް އެދެމަފިރީންގެ ތެރެއިން އެކަކު ގޮސް ހިތްވަރު ދިނުމުގައި އަބަދުވެސް ދެމި ތިބެ އެވެ.
ލައިބާ އަކީ އެ ނޫން ދާއިރާތަކުގައި ވެސް ހުނަރުވެރި ކުއްޖެކެވެ.
Advertisement
This content is created and paid for by advertisers and does not involve Voice Journalists
