ޝެއިހް ފަރީދުގެ ޖަނާޒާ މާދަމާ މެންދުރު ނަމާދަށް ފަހު
އިއްޔެ ކުއްލި ގޮތަކަށް ނިޔާވި މަޝްހޫރު ދީނީ އިލްމުވެރިޔާ އައްޝައިހް އިބްރާހިމް ފަރީދު އަހްމަދުގެ ޖަނާޒާ މާދަމާ ބޭއްވުމަށް ނިންމައިފި އެވެ.
ޝެއިހް ނިޔާވި އިއްޔެ މެލޭޝިޔާއަށް ވަޑައިގެންނެވި ތަނުން އެއާޕޯޓްގަ އެވެ. އާއިލާ އިން ފުރަތަމަ މަސައްކަތް ކުރީ ޝެއިހްގެ ހަަށިގަނޑު ރާއްޖެ ގެނެސް ޖަނާޒާގެ ކަންކަން ކުރިއަށް ގެންދިއުމަށެވެ. ނަމަވެސް މެލޭޝިޔާގެ އުސޫލުަ އޮންނަ ގޮތުން ނިޔާވެފައިވާ މީހަކު ގެނެވެނީ ޕޯސްޓްމޯޓަމް ހަދައިގެންނެވެ.
އެހެން ކަމުން ޝެއިހްގެ އާއިލާ އިން ނިންމީ ޖަނާޒާގެ ކަންކަން މެލޭޝިޔާގައި ކުރިއަށް ގެންދާށެވެ.
މެލޭޝިޔާގައި ހުންނަ ދިވެހި ހައިކޮމިޝަނުން ބުނީ ޝެއިހް ފަރީދުގެ ޖަނާޒާ މާދަމާ ބޭއްވުމަށް ހަމަޖެހިފައިވާ ކަމަށެވެ. ޖަނާޒާ އޮތީ މެންދުރު ނަމާދަށް ފަހު އެވެ. ޖަނާޒާ އޮންނާނީ ރާޖާ ހާޖީ ފީސަބީލީﷲ މިސްޖިދު ގަ އެވެ. ވަޅުލަން ހަމަޖެހިފައި ވަނީ ތަނާހް ޕްރަކުބުރަން އިސްލާމް ރައުދުލް ބަޤީގަ އެވެ.
ޝެއިހް ނިޔާވީ އުމުރުން 53 އަހަރުގަ އެވެ. ޝެއިހަކީ ރާއްޖޭގައި ދީނީ ހޭލުންތެރިކަން އިތުރުކުރުމަށް އެންމެ ބުރަކޮށް މަސައްކަތް ކުރެއްވި އިލްމުވެރީންގެ ތެރޭގައި ވަރަށް ފާހަގަ ކޮށްލެވޭ ބޭފުޅެކެވެ.
Advertisement
This content is created and paid for by advertisers and does not involve Voice Journalists
