ފުވައްމުލަކުގައި ހިނގި މާރާމާރީއެއްގައި ޒުވާނަކަށް ބޮޑެތި އަނިޔާތަކެއް، ނޭފަތާއި އަނގަމަތިވެސް އޮތީ ފަޅާލާފައި
ފުވައްމުލަކު ސިޓީގައި ހިނގި މާރާމާރީއެއްގައި 18 އަހަރުގެ ދިވެހި ފިރިހެނަކު ޒަޚަމްކޮށްލައިފިއެވެ.
މި ހާދިސާ ހިނގާފައިވަނީ ރޭ 20:54 ހާއިރުގައި ކަމަށް ފުލުހުންނަށް ރިޕޯޓުކޮށްފައިވެއެވެ.
ފުލުހުން ބުނާ ގޮތުގައި، މި މާރާމާރީގައި ޒުވާނާގެ ނޭފަތާއި އަނގަމަތި ފަޅައިގެން ގޮސް، ކަނާތު ކޯމަތި ދުޅަވެ އިތުރު ކުދި އަނިޔާތަކެއް ވެފައިވެއެވެ.
އަދި އޭނާއަށް އިތުރު ފަރުވާދިނުމަށްޓަކައި މިހާރު އައްޑޫ ސިޓީއަށް ގެންގޮސްފައިވާ ކަމަށްވެސް ބުންޏެވެ.
ފުލުހުން މި މައްސަލަ ތަޙުޤީޤުކުރަން ފަށާފައިވާއިރު ހާދިސާއާ ގުޅިގެން އަދި އެއްވެސް ފަރާތެއް ހައްޔަރުކޮށްފައި ނުވާ ކަމަށް ފުލުހުން ބުންޏެވެ.
Advertisement
This content is created and paid for by advertisers and does not involve Voice Journalists
