ސްޓެލްކޯއިން މާލޭގެ ކަރަންޓު ވިއުގަ އަޕްގްރޭޑްކުރުމުގެ މަސައްކަތް ކުރަމުންދާތީ މިއަދު ހެނދުނާއި މެންދުރުފަހުގެ ވަގުތުތަކުގައި މާލެއާއި ހުޅުމާލެ ފުރުތަމަ ފިޔަވަހީގެ ބައެއް ހިސާބުތަކުން ކަރަންޓުގެ ހިދުމަތް މެދުކެނޑުން އެކަށީގެންވާކަމަށް އެ ކުންފުނިން ހާމަކޮށްފިއެވެ.
ސްޓެލްކޯއިން މިކަން ހާމަކޮށް އެކްސްގައި ކޮށްފައިވާ ޕޯސްޓެއްގައި ބުނެފައިވަނީ އެކުންފުނިން މާލެ އާއި ހުޅުމާލޭގެ ކަރަންޓު ވިއުގަ އަޕްގްރޭޑްކުރުމުގެ މަސައްކަތް ކުރަމުންދާތީ މިއަދު މެންދުރުފަހު 14:00 އިން ފެށިގެން 16:00 އަށް މާލެ ސިޓީގެ ރަށްދެބައި މަގު ހިމެނޭ ސަރަހައްދުން ކަރަންޓުގެ ހިދުމަތް މެދުކެނޑިދާނެކަމަށެވެ.
އަދިހަމައެހެންމެ، މިއަދު މެންދުރުފަހު 14:00 އިން ފެށިގެން 15:30 އަށް ހުޅުމާލޭ ފުރުތަމަ ފިޔަވަހީގެ ނިރޮޅު މަގު، ހަލަވެލި މަގު، ނިރޮޅު މަގު ގޯޅި 10 ހިމެނޭ ސަރަހައްދުން ކަރަންޓުގެ ހިދުމަތް މެދުކެނޑިދާނެކަމަށް އެކުންފުނިން އެކްސްގައި ކޮށްފައިވާ ޕޯސްޓުގައި ވަނީ ބުނެފައެވެ.
މިކަމުގެ ސަބަބުން އާންމުންނަށް ދިމާވެދާނެ ދަތިތަކަށް ސްޓެލްކޯއިން ވަނީ މައާފަށް އެދިފައެވެ.
Advertisement
This content is created and paid for by advertisers and does not involve Voice Journalists
