ވެލިދޫގައި އިމާރާތްކުރާ އައު ހޮސްޕިޓަލުގެ ފައުންޑޭޝަން މަސައްކަތް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ފަށައިފިއެވެ.
އާރުޑީސީ އިން އެކްސް ގައި ކޮށްފައިވާ ޕޯސްޓެއްގައި ބުނެފައިވާ ގޮތުގައި މި މަސައްކަތަކީ އެ ކުންފުނީގެ ޕަބްލިކް ސެކްޓަރ އިންވެސްޓްމަންޓް ޕްރޮގްރާމްގެ ދަށުން ކުރިއަށްގެންދާ މަސައްކަތެއް ކަމަށެވެ. ވެލިދޫގައި އިމާރާތްކުރާ މި ހޮސްޕިޓަލުގެ ފައުންޑޭޝަން މަސައްކަތް ފަށާފައިވަނީ މިއަދުއެވެ.
ވެލިދޫ ހޮސްޕިޓަލްގެ އައު ޢިމާރާތުގެ މަސައްކަތްކުރުމަށް އާރުޑީސީއަށް ހަވާލުކޮށްފައިވަނީ 108,322,537.03 ދިވެހި ރުފިޔާއަށެެވެ. މި މަސައްކަތް އާރުޑީސީއާ ހަވާލު ކޮށްފައިވަނީ މިއަހަރުގެ މާރިޗް މަހުގެ 29 ވަނަ ދުވަހުގައެވެ. މި މަސައްކަތް ނިންމުމަށް ހަމަޖެހިފައިވަނީ ޖުމުލަ 540 ދުވަހުގެ ތެރޭގައެވެ.
އާރުޑީސީން މި މަސައްކަތަށް ބޭނުންވާ ސާމާނު އެރަށަށް ފޮނުވާފައިވަނީ މިދިޔަ އޭޕްރީލް މަހުގެ 9 ވަނަ ދުވަހުއެވެ. ހޮސްޕިޓަލުގެ އައު އިމާރާތުގެ އިތުރުން އާރުޑީސީން އަންނަނީ އެރަށުގައި ކޮމިޔުނިޓީ ބޭސްޑް ރިހެބިލިޓޭޝަން ސެންޓަރެއްގެ އިތުރުން ޕޮލިސް ސްޓޭޝަންގެ މަސައްކަތް ވެސް ބާރު ސްޕީޑްގައި ކުރިއަށް ގެންދަމުންނެވެ.
Advertisement
This content is created and paid for by advertisers and does not involve Voice Journalists
