ޤަތަރުގައި ހުންނަ އެމެރިކާގެ އަސްކަރީ ބޭހަށް އީރާނުން މިސައިލް ހަމަލާތަކެއް މިރޭ ދީފިއެވެ.

އަލްޖަޒީރާއިން މިރޭ ބުނެފައިވަނީ، ޤަތަރުގައި ހުންނަ އެމެރިކާގެ އަސްކަރީ މަރުކަޒެއްކަމަށްވާ އަލް އުދެއިދު އެއާ ބޭހަށް އީރާނުން މިސައުިލް ހަމަލާތަކެއް ދީފައިވާަކަމަށެވެ. އެތަނަށް ހަމަލާދޭނޭކަމަށް އީރާނުންވެސް ވަނީ ބުނެފައެވެ. އަލް ޖަޒީރާއިން ބުނެފައިވަނީ، އަސްކަރީ މަރުކަޒަށް ފޮނުވާލި އެ ހަމަލާގެ ގޮވުމުގެ ބާރު އަޑުފަށްގަނޑު ދޯހާއަށް ފެތުރިގެން ދިޔަކަމަށެވެ.

އީރާނުން އެމެރިކާގެ އަސްކަރީ މަރުކަޒަކަށް ހަމަލާދީފައިމިވަނީ، އިޒްރާއީލާ ގުޅިގެން އެމެރިކާއިން އީރާނުގެ ނިއުކްލިއާ މަރުކަޒަކަށް ހަމަލާދިންތާ އެއްދުވަސްފަހުންކަން ފާހަގަކޮށްލެވެއެވެ. ނަމަވެސް ޤަތަރުގެ ޑިފެންސް މިނިސްޓްރީން ބުނެފައިވަނީ އެ ޤައުމުގެ ތެރެއަށް އައި މިސެއިލެއް ޑިފެންސް ސިސްޓަމުން ވައިގެ ތެރެއަށް ގޮއްވާލާފައިވާކަމަށެވެ. އިތުރު ތަފްސީލެއް ގަތަރަކުން ނުބުނެއެވެ.

ނަމަވެސް ޤަތަރުން މިހާރު ވަނީ އެޤައުމުގެ ވައިގެ ސަރަހައްދު އެއްކޮށް ބަންދުކޮށްފައެވެ.

އީރާނުން ދިން ހަމަލާ ވައިގެ ތެރެއަށް ގޮއްވާލުމަށް ޑިފެންސް ސިސްޓަމްގެ ހަރަކާތްތައް... ފޮޓޯ: ރޮއިޓާސް

މި ހަމަލާއާ ގުޅިގެން އެމެރިކާއިން އަދި ވަކިއެއްޗެކޭ ނުބުނެއެވެ.

އީރާނުގެ ބިމު އަޑީގައިވާ ނިއުކްލިއާ މަރުކަޒަކަށް ހަމަލާދިންކަަށް އެމެރިކާއިން ބުނިނަމަވެސް އީރާނުން ބުނެފައިވަނީ ހަމަލާދިން ތަނަކީ  ބޭނުންކުރަމުންގެންދާ ތަނެއް ނޫންކަމަށެވެ. މިގޮތުން އެތަނަކީ މީގެ އެތައް ދުވަހެއްކުރިން މަސައްކަތް ހުއްޓާލައި ހުސްކޮށްފައިވާ ތަނެއްކަމަށްވެސް އީރާނުން ވަނީ ބުނެފައވެެ.