އާރު.ޑީ.ސީ އިން އިހަވަންދޫގައި އަޅާ އައު ހޮސްޕިޓަލަށް ބޭނުންވާ ސާމާނު އެރަށަށް ފޮނުވައިފި
ރޯޑް ޑިވެލޮޕްމެންޓް ކޯޕަރޭޝަން އާރު.ޑީ.ސީ އިން ހއ. އިހަވަންދޫގައި އިމާރާތްކުރާ އައު ހޮސްޕިޓަލަށް ބޭނުންވާ ސާމާނު އެރަށަށް ފޮނުވާފައިވާކަމަށް އެކުންފުނިން ބުނެފިއެވެ.
އާރު.ޑީ.ސީއިން ބުނެފައިވާ ގޮތުގައި އިހަވަންދޫގައި އިމާރާތްކުރާ އައު ހޮސްޕިޓަލުގެ މަޝްހޫރު އަކީ އެކުންފުނި ޕަބްލިކް ސެކްޓަރ އިންވެސްޓްމަންޓް ޕްރޮގްރާމްގެ ދަށުން ކުރިއަށްގެންދާ މަޝްރޫއެކެވެ.
މި މަޝްރޫއު ސަރުކާރުން އާރު.ޑީ.ސީ އާއި ހަވާލުކޮށްފައިވަނީ މި އަހަރުގެ ޖަނަވަރީ މަހުގެ 29 ވަނަ ދުވަހުގައެވެ. އިހަވަންދޫގައި އިމާރަތްކުރާ ހޮސްޕިޓަލުގެ އެއްބަސްވުމުގައި ސިއްޙީ ވުޒާރާގެ ފަރާތުން ސޮއިކުރެއްވީ ވަޒީރު، ޢަބްދުﷲ ނާޒިމް އިބްރާހީމްއެވެ. އަދި އާރު.ޑީ.ސީގެ ފަރާތުން ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރ އަލީ ޒުހައިރުއެވެ.
އިހަވަންދޫގައި ތަރައްޤީކުރުމަށް ހަމަޖެހިފައިވާ 30 އެނދުގެ ހޮސްޕިޓަލް ތަރައްޤީކުރަން ނިންމާފައިވަނީ އެކޮމޮޑޭޝަން ބްލޮކެއްގެ އިތުރުން އެހެނިހެން ޚިދުމަތްތައް ފޯރުކޮށްދިނުމަށް ބޭނުންވާ ޢިމާރާތަކާ އެކީގައިކަން ފާހަގަކޮށްލަންޖެހެއެވެ. މި މަޝްރޫއު އަށް ޖުމުލަ 123 މިލިއަން ރުފިޔާގެ ހޭދަވާނޭކަމަށް އެ ކުންފުނިން ވަނީ ބުނެފައެވެ.
އިހަވަންދޫގައި ތަރައްޤީކުރާ ހޮސްޕިޓަލަކީ ޖާގައިގެ ގޮތުން ތަނަވަސް އަދި ޚިދުމަތުގެ ގޮތުން ފުރިހަމަ ހޮސްޕިލަކަށް ވެގެންދާނެކަމަށް ސަރުކާރުން ވަނީ މީގެ ކުރިން ބުނެފައެވެ.
Advertisement
This content is created and paid for by advertisers and does not involve Voice Journalists
