ފަގީރުންނަށް ހެލްތް އިންސްއަރެންސް ހަމަޖައްސައިދޭނެ ފަރާތެއް ހޯދަން އިއުލާން ކޮށްފިއެވެ. 

އެކަމަށް އެދި ބީލަން ހުޅުވާލެވިފައި ވަނީ ވިޔަފާރި ރަޖިސްޓްރި ކޮއްފައިވާ އަދި އިންސްއަރެންސް ދޫކުރުމުގެ ހުއްދަ ލިބިފައިވާ ފަރާތްތަކަށެވެ.

މި ކަމަށް ޝައުގުވެރިވާ އަދި ޝަރުތު ހަމަވާ ފަރާތްތަކުން 2025 ޖުލައި 17 ވާ ބުރާސްފަތި ދުވަހުގެ ހެނދުނު 10:00 ގެ ކުރިން ތިރީގައިވާ ލިންކު މެދުވެރިކޮށް ރަޖިސްޓްރީ ކުރުމަށް މިނިސްޓްރީ އޮފް އިސްލާމިކް އެފެއާޒް އިން ވަނީ އެދިފަ އެވެ.

Bid registration form - Ministry of Islamic Affairs (142)

މި ކަމަށް ޝައުގުވެރިވާ ފަރާތްތަކުން އަންދާސީ ހިސާބު ހަމަޖެއްސުން ކުރިޔައް ގެންދިޔުން ހަމަޖެހިފައި ވަނީ 2025 ޖުލައި 24 ވާ ބުރާސްފަތި ދުވަހުގެ 11:30 ގެ ނިޔަލަށެވެ. 

އިިތުރު މައުލުމާތު ސާފުކުރެއްވުމަށް ބޭނުންވާ ފަރާތްތަކުން 2025 ޖުލައި 21 ވާ ހޯމަ ދުވަހުގެ 13:00 ކުރިން މިނިސްޓްރީ އޮފް އިސްލާމިކް އެފެއާޒް އަށް [email protected] އީމެއިލް ނުވަތަ 3020212، 3021414 ނަންބަރު އަށް ގުޅުއްވާ މައުލޫމާތު ސާފު ކޮއްލުމުގެ ފުރުސަތު ވަނީ ހުޅުވާލެވިފަ އެވެ . 

ހެލްތް އިންސްއެރަންސް ހަމަޖެއްސުމަށް ނިންމާފައި ވަނީ ފުރާނައަށް ގެއްލުންވާ ފަދަ ބަލިތަކަށް ބޭސްފަރުވާ ހޯދަމުންދާ ހާލުގައި ޖެހިފައިވާ ފަގީރުންނަށެވެ. މީގެ ތެރެއިން ވެސް ބޮޑައް އަމާޒު ކުރެވިފައިވަނީ ކެންސަރު ބަލި ފަދަ ބަލިތައް ތަހައްމަލް ކުރަމުންދާ މީހުންނަށެވެ. 

ފާއިތުވެ ދިޔަ އަހަރު ފަޤީރުންގެ ދަފްތަރުގައި ރަޖިސްޓްރީ ކުރެވިފައިވާ މީހުންގެ ތެރެއިން ބޮލަކަށް 4000 ރުފިޔާ ވަނީ ދެވިފައެެވެ. ނަމަވެސް ފެށުނު ހިޖުރީ އަހަރު ވަނީ 1000 ރުފިޔާ އިތުރު ކޮއްފައެވެ. ޖުމްލަ އަދަދެއްގެ ގޮތުގައި މިހާރު ބޮލަކަށް 5000 ރުފިޔާ ހަމަޖެއްސުމަށް ވަނީ ނިންމާފަ އެެވެ. އަދި ފަޤީރުންގެ ދަފްތަރުގައި މިހާތަނަށް ރަޖިސްޓްރީ ކޮއްފައިވާ މީހުންގެ އަދަދަކީ 2852 މިހުން އެވެ.

ނިމިދިޔަ އަހަރުގެ ޒަކާތު ފަންޑުން ލިބިފައިވާ ފައިސާގެ ބޮޑުބައި މި ކަމަށް ބޭނުން ކުރަން ނިންމާފައިވާ ކަމަށް އިސްލާމީ ކަންތަކާ ބެހޭ ވަޒީރު ވިދާޅުވެފައި ވެއެވެ.