ކެންސަރު ބައްޔަށް ޚާއްސަ ހޮސްޕިޓަލެއްް އެޅުމަށް ސަރުކާރުން ވެފައިވާ ވައުދު ފުރިހަމަ ކުރައްވާނެ ކަމަށް ހެލްތް މިނިސްޓަރު އަބްދުﷲ ނާޒިމް އިބްރާހިމް މިރޭ ވިދާޅުވެއްޖެ އެވެ.
މިރޭ އޮތް "އަހާ" ފޯރަމްގައި ވާހަކަ ދައްކަވަމުން ނާޒިމް މިހެން ވިދާޅުވީ ންސަރު ބައްޔަށް ޚާއްސަ ހޮސްޕިޓަލެއްް އެޅުމުގެ ވައުދު ނުފުއްދި ދިގު ލައިގެންދާތީ އާންމުންގެ މީހަކު ކުރި ސުވާލަކާއި ގުޅިގެންނެވެ. އޭނަ ވަނީ ކެންސަރަށް ހާއްސަ ހޮސްޕިޓަލެއް އެޅުމުގެ ވާހަކަ ދައްކާތާ 10 އަހަރު ވެފައިވާކަން ފާހަގަކޮށް އެކަން ހަގީގަތަކަށް ވާނީ ކޮށް ދުވަހަކުންތޯ ސުވާލު ކޮށްފަ އެވެ.
އެ ސުވާލަށް ޖަވާބު ދެއްވަމުން މިނިސްޓަރު ވިދާޅުވީ އެ ކަންބޮޑުވުން ބަލައިގަންނަ ކަމަށެވެ. މި ސަރުކާރުން ވެފައިވާ ވައުދާއި އެއްގޮތަށް ކެންސަރު ހޮސްޕިޓަލެއް އެޅުމުގެ މަސައްކަތް ކުރަމުން ގެންދާނެ ކަމަށާ އެ މަޝްރޫއުއަށް ފަައިސާ ހޯދުމުގެ މަަސައްކަތް ވަރަށް ބާރަށް ކުރިއަށްދާ ކަމަށެވެ
އަދި އެ މަޝްރޫއުއަށް ކުރަން ޖެހޭ ކަރުދާހުގެ މަސައްކަތްތަކާއި ޓެކްނިކަލީ ވާންޖެހޭ ތައްޔާރުވެފައިވާ ކަމަށް ވިދާޅުވި އެވެ. އަދި ޔަގީންކަން ދެއްވީ ކެންސަރު ހޮސްޕިޓަލްގެ ވައުދު ހަގީގަތަކަށް ވާނެ ކަމެވެ.
"އިރާދަކުރެއްވިއްޔާ މި ސަރުކާރުން އެ ވައުދު ފުރިހަމަކޮށްދޭނެ," މިނިސްޓަރު ނާޒިމް ވިދާޅުވި އެވެ.
ރާއްޖޭގައި އެންމެ ފުރަތަމަ ޤާއިމު ކުރެވޭ ކެންސަރު ހޮސްޕިޓަލް ލ. ގަމުގައި ހެދުމަށް ކުރީގެ ސަރުކާރުން ނިންމި އެވެ. އޭގެ ކުރީން އިންޑިއާ ސަރުކާރުން އޮތީ ހުޅުމާލޭގައި ކެންސަރު ހޮސްޕިޓަލެއް އަޅައިދޭނެ ކަމަށް ބުނެފަ އެވެ. ނަމަވެސް ރައީސް ސޯލިހްގެ ސަރުކާރު ނިމުނީ އެ މަަސައްކަތުގެ އެއްވެސް ކަމެއް ނުފެށި އެވެ.
ކެންސަރު ހޮސްޕިޓަލެއް ގާއިމު ކުރުމަކީ ރައީސް މުޢިއްޒުގެ ވެސް ވައުދެކެވެ.
Advertisement
This content is created and paid for by advertisers and does not involve Voice Journalists
