ޤައުމީ ބޭންކް، ބެންކް އޮފް މޯލްޑިވްސްގެ ޙިދުމަތް ފުޅާކުރުމަށް ކުރަމުންގެންދާ މަސައްކަތްތަކުގެ ތެރެއިން ބީއެމްއެލްގެ އިސްލާމިކް  ބްރާންޗެއް ރ.ދުވާފަރުގައި ހުޅުވައި ހިދުމަތްދޭން ފަށައިފިއެވެ.

މި ބްރާންޗް ހުޅުވާފައިވަނީ މިއަދު ދުވާފަރުގައި ބޭއްވި ރަސްމިއްޔާތެއްގައި ކޮންސްޓްރަކްޝަން، ހައުސިން އަދި އިންސްފްރެކްޗަރ މިނިސްޓަރ ޑރ. އަބްދުﷲ މުއްޠަލިބު އެވެ.  

ބީއެމްއެލުން ބުނީ ދުވާފަރުގައި ހުޅުވި މި އައު ބްރާންޗުން "އިސްލާމިކް ފައިނެންސް ފަސްޓް " ގެ ދަށުން ހުރިހާ ޙިދުމަތެށް ލިބިގެންދާނެ ކަމަށެވެ.

ބީއެމްއެލުން ދުވާފަރުގައި ހުޅުވި މި ބްރާންޗާއެކު، އެ ބޭންކުން ވަނީ ރާއްޖޭގެ އެކި ކަންކޮޅުތަކުގައި މިހާތަނަށް 40 ބްރާންޗް ހުޅުވައި ހިދުމަތްދޭން ފަށާފައެވެ. ބީއެމްއެލުން ވަނީ ރާއްޖޭގެ އެކި ކަންކޮޅުތަކުގައި ޖުމްލަ 133 ސެލްފް ސާރވިސް ބޭންކިން ސެންޓަރާއި، 188 އޭޓީއެމްވެސް ބަހައްޓާފައެވެ.

މީގެ އިތުުން ބީއެމްއެލުން އަންނަނީ ފުޅާ ދާއިރާއެއްގައި އޭޖެންޓް ބޭންކިންގ ޙިދުމަތްތަކާއި، ޒަމާނީ ޑިޖިޓަލް ބެންކިންގެ ހިދުމަތްވެސް ދެމުންނެވެ. ބީއެމްއެލުން އެންމެ ފުރަތަމަ ބްރާންޗެއް ހުޅުވީ 1982 ވަނަ އަހަރު މާލޭގަ އެވެ.