ނ. ލަންދޫ ކައުންސިލުން، އެރަށުގެ ތަޢުލީމީ ދާއިރާ ހަރުދަނާ ކުރުމަށް ކުރަންޖެހޭ ކަންކަމާއި ގުޅޭގޮތުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އާއި މަޝްވަރާ ކުރައްވައިފިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނ. އަތޮޅަށް މިހާރު ކުރައްވަމުން އަންނަ ދަތުރުފުޅުގެ ތެރެއިން ރައީސް ވަނީ މިއަދު ލަންދޫގެ ކައުންސިލާއި، އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ އިތުރުން އެ ރަށުގެ މުއައްސަސާ އިސްވެރިންނާއި ބައްދަލުކުރައްވައިފަ އެވެ.
މިއަދު ހެނދުނު ލަންދޫ ކައުންސިލް އިދާރާގައި ކުރިއަށްދިޔަ މި ބައްދަލުވުމުގައި އެރަށުގެ ރައްޔިތުންނަށް ބޭނުންވާ މުހިންމު ކަންކަމާ ގުޅޭގޮތުން މަޝްވަރާ ކުރައްވާފައެވެ. މި މަޝްވަރާތަކުގައި ވާހަކަދެކެވުނު ކަންކަމުގެ ތެރޭގައި ލަންދޫ ސްކޫލުގެ އައު އިމާރާތުގެ މަސައްކަތް ލަސްވުމާއި ސްކޫލްގެ ޖާގައިގެ ދަތިކަމަށް ހައްލެއް ހޯދުމަށް އިތުރު ކްލާސްރޫމުތައް ބޭނުންވާކަން ހިމެނެއެވެ. މިބައްދަލުވުމުގައި މިިކަންކަމަށް ހައްލު ގެނައުމަށްޓަކައި ކުރަންޖެހޭކަންކަމާ ގުޅޭ ގޮތުން ދެފަރާތުން ވެސް ވަނީ މަޝްވަރާކުރައްވާފަ އެވެ.
ބައްދަލުވުމުގައި ރައީސުލްޖުމްހޫރިއްޔާ ވަނީ ލަންދޫ ކައުންސިލުން ފާހާގަކުރެއްވި ކަންކަން ބައްލަވާނެކަމުގައި ވިދާޅުވެފަ އެވެ. އަދި ބައްދަލަކުރެއްވުމުގައި ބައިވެރިވެވަޑައިގެންނެވި ވަޒީރުންނާއި، ދަޢުލަތުގެ ކުންފުނިތަކުގެ ވެރިން މެދުވެރިކުރައްވައި އެ މަނިކުފާނު ވަނީ ރަށުގައި ކުރިއަށްދާ މަޝްރޫޢުތަކުގެ އަދާހަމަ މަޢުލޫމާތު ވެސް ޙިއްޞާކުރައްވާފައިވެއެވެ.
Advertisement
This content is created and paid for by advertisers and does not involve Voice Journalists
