މިއަހަރު ނިމެންވާއިރަށް ނ.ލަންދޫ އައިސްޕްލާންޓްގެ މަސައްކަތް ނިންމާލެވޭނެ: ރައީސް ޑރ.މުއިއްޒު
ހިނގަމުންދާ އަހަރު ނިމުމުގެ ކުރިން ނ.ލަންދޫގައި ގާއިމްކުރުމަށް ނިންމާފައިވާ އައިސްޕްލާންޓްގެ މަސައްކަތް ނިންމާލެވޭނޭކަމަށް ރައީސުލްޖުމްހޫރިއްޔާ ޑރ.މުހައްމަދު މުއއިއްޒު ވިދާޅުވެއްޖެއެވެ.
ނ.އަތޮޅަށް ކުރައްވަމުން ގެންދަވާ ޒިޔާރަތުގެ ތެރެއިން މިއަދު ނ.ލަންދޫއަށް ވަޑައިގެން ރައްޔިތުންނާ ވާހަކަދައްކަވަމުން ރައީސް ޑރ.މުއިއްޒު ވަނީ ނ.ލަންދޫގައި ކުރިއަށްގެންދިއުމަށް ނިންމާފައިވާ މަޝްރޫޢުތަކާ ގުޅޭ މައުލޫމާތު ހިއްސާކުރައްވާފައެވެ. ރައީސް ވިދާޅުވީ ލަންދޫގައި ސަރުކާރުން ކުރިއަށްގެންދިއުމަށް ނިންމި މަޝްރޫޢުތަކުގެ ތެރެއިން އެރަށުގައި ގާއިމްކުރުމަށް ނިންމާފައިވާ އައިސްޕްލާންޓްގެ މަސައްކަތް ފަށައި މިއަހަރުގެ ތެރޭގައި ނިންމާލެވޭނެ ކަމަށެވެ.
ލަންދޫގައި ގާއިމްކުރަނީ އިރުގެ އަލިން އުފައްދާ ކަރަންޓުން ލިބޭ ހަކަތަ ބޭނުންކޮށްގެން އައިސްޕްލާންޓް އޮޕަރޭޓްކުރާ ގޮތަށެވެ. މިއާއެކު 15 ޓަނުގެ އައިސް އުފެއްދުމާއެކު 30 ޓަނުގެ ސްޓޯރޭޖާއެކު ގާއިމްކުރުމަށް ވަނީ ނިންމާފައެވެ.
ރައީސް ވިދާޅުވީ އައިސްޕްލާންޓްގެ މަސައްކަތް ލަސްވީ ނަގަންޖެހޭ ހުއްދަތަކެއް ހުރުމުން ކަމަސާއި، ނަމަވެސް މިކަން ނިމި ކުރިއަށްއޮތް ދުވަސްތަކުގައި އަމަލީ މަސައްކަތްތައް ފެށިެގންދާނޭކަމަށެވެ.
މިއީ ތިމާވެށީގެ ދާއިރާއިން ލިބިފައިވާ ފަންޑެއްގެ ތެރެއިން ކުރިއަށްދާ މަޝްރޫޢުއެއްވީމައި އޭގައި ނަގަންޖެހޭ ހުއްދަތަކެއް ހުރީމައި ވަގުތުނެގީ
ރައީސް ޑރ.މުއިއްޒު ވިދާޅުވިއެވެ
ރައީސް ވަނީ އައިސްޕްލާންޓްގެ އިތުރުންވެސް ލަންދޫގެ ފެނުގެ މަސައްކަތާއި ސިއްހީމަރުކަޒާއި ސްކޫލުގައި އިތުރު ވަސީލަތްތައް ގާއިމްކުރުމަށް ކުރަންޖެހޭ މަސައްކަތްތައް ކުރަމުންގެންދާނޭކަމަށް ވިދާޅުވެފައެވެ. މިގޮތުން ފެނުގެ މަސައްކަތްތައް ކުރުމަށް ވާންޖެހޭ ތައްޔާރީތައްވެ، އެމްޑަބްލިއުއެސްސީން އެ މަޝްރޫޢުގެ އަމަލީ މަސައްކަތްތައް ވަރަށް އަވަހަށް ފެށިގެންދާނޭކަމަށް ރައީސް ފާހަގަކުރެއްވިއެވެ.
މީގެ އިތުރުން ވަދުދުވެފައިވާ ލަންދޫގެ ގިރާ ސަހަރައްދުގެ މަސައްކަތާއި މޫދަށް އެރޭ ސަރަހައްދު ތަރައްޤީކުރުމުގެ މަސައްކަތުގެ އެއްބަސްވުމުގައި ސެޕްޓެމްބަރުމަހުގެ ތެރޭގައި ސޮއިކޮށް އަމަލީ މަސައްކަތް މިއަހަރުގެ ފަހުކޮޅު ފެށިގެންދާނޭކަމަށް ރައީސް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
