މަސްމާރުކޭޓާ ހިސާބަށް ނޯތް ހާބަރު ބޮޑުކުރުމަށްނިންމައި، ނޯތް ހާބަރެކޭ އެއް އުސޫލުން ފީނެގުމަށް ނިންމައިފިއެވެ.
ހުސްވި ޖޫންމަހުގެ 4 ވަނަ ދުވަހު މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން ވަނީ، މަސްމާރުކޭޓް ކުރިމަތިން އޮންނަ ބަނދަރު އެމްޕީއެލްއާ ހަވާލުކޮށްފައެވެ. މިކަމާ ގުޅިގެން އެމްޕީއެލުން ބުނެފައިވަނީ، މަސްމާރުކެޓް ސަރަހައްދު ބަނދަރު އެމްޕީއެލުން ހިންގަމުންދާނީ މާލޭ ނޯތް ހާބަރު ހިންގަމުން އަންނަ އުސޫލުންކަމަށް ބުނެފައެވެ.
އެގޮތުން ހާބަރުގައި ރަޖިސްޓްރީކޮށްފައިނުވާ އުޅަނދުތައް މާލޭ ނޯތް ހާބަރުގައި އޮގަސްޓްމަހުގެ އެއްވަނަ ދުވަހުގެ ކުރިން ރަޖިސްޓަރކޮށް ނިންމުމަށް އެމްޕީއެލުން ވަނީ އެދިފައެވެ.
އެމްޕީއެލުން އެކްސްގައި ކުރި ޕޯސްޓެއްގައި ބުނެފައިވަނީ، އިއްޔެއިން ފެށިގެން ހިދުމަތް ދެމުންދާނީ ރަޖިސްޓްރީކޮށްފައިވާ އުޅަނދުތަކަށް އެކަނިކަމަށާއި، އަންނަ ސެޕްޓެމްބަރުމަހުން ފެށިގެން ހިދުމަތްތައް ދެވޭނީ ކަނޑައެޅިފައިވާ ޓެރިފްގައިކަމަށެވެ. ނަމަވެސް މަސްވެރި އުޅަނދުތަކުން ފީއެއް ނެގުމަށް ނިންމާފައި ނުވާކަމަށް ވޮއިސްއަށް ވަނީ މައުލޫމާތު ލިބިފައެވެ.
މަސްމާރުކޭޓު ކުރިމަތިން އޮންނަ ބަނދަރު މިހާތަނަށް ބަލަހައްޓަމުން އައިސްފައިވަނީ މާލެސިޓީ ކައުންސިލުންނެވެ.
Advertisement
This content is created and paid for by advertisers and does not involve Voice Journalists
