ބ އަތޮޅުގެ ރަށްތަކަށް މިއަދު ފެއްޓެވި ދަތުރުފުޅުގައި ރައީސުލްޖުމްހޫރިއްޔާ ޑރ. މުޙައްމަދު މުއިއްޒު އެ އަތޮޅު އޭދަފުއްޓަށް ވަޑައިގަތުމުން އެމަނިކުފާނަށް ހޫނު މަރުހަބާއެއް ދަންނަވައިފި އެވެ.
ރައީސުލްޖުމްހޫރިއްޔާއަށް މަރުހަބާ ދެންނެވުމަށް ވަރަށް ގިނަ ބަޔަކު ވަނީ ބަނދަރު ސަރަހައްދަށް ޖަމާވެފަ އެވެ. ރައީސް ދަތުރުފުޅު ކުރެއްވި ލޯންޗު އޭދަފުށީ ބަނދަރަށް ވަނުމާއެކު ފުރަތަމަ މަރުހަބާ ކިޔާފައިވަނީ ކުރުފަލީގެ ހަރަކާތަކުންނެވެ.
ކުރުފަލި ޖަހަމުން އައީ ވަރަށް ބޮޑަށް ޒީނަތްތެރިކޮށްފައިވާ ދޯންޏެއްގައި ތިބެގެންނެވެ. ބަނދަރާއި ހަަމައަށް މަރުހަބާ ކިޔުމުގެ އެ ހަރަކާތް ކުރިއަށް ދިޔަ އެވެ.
އޭދަފުށިން ރައީސަށް މަރުހަބާ ދެންނެވުން -- ފޮޓޯ: ވޮއިސް
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ އެމަނިކުފާނަށް މަރުހަބާ ދެންނެވުމަށް ޖަމާވި އެންމެންނާއި ސަލާމް ކުރައްވާފަ އެވެ.
ބ އަތޮޅުގެ ރަށްތަކަށް މިއަދު ފެއްޓެވި ދަތުރުފުޅުގައި ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ވަނީ ކަމަދޫ އާއި ކުޑަރިކިލު، ކެންދޫ އަދި އޭދަފުއްޓަށް ވަޑައިގެންފަ އެވެ.
އޭދަފުށިން ރައީސަށް މަރުހަބާ ދެންނެވުން -- ފޮޓޯ: ވޮއިސް
އެ ރަށްރަށުގެ ކައުންސިލްތަކާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކާއި ވަނީ ބައްދަލު ކުރައްވާފަ އެވެ. އަދި އެ ރަށްރަށުގެ ރައްޔިތުންނާއި ބައްދަލު ކުރެއްވުމަށް ކޮންމެ ރަށެއްގައި ޖަލްސާއެއް ބޭއްވެވި އެވެ.
އޭދަފުށިން ރައީސަށް މަރުހަބާ ދެންނެވުން -- ފޮޓޯ: ވޮއިސް
އެމަނިކުފާނުގެ މި ދަތުރުފުޅުގައި ތުޅާދޫ، ގޮއިދޫ، ފެހެންދޫ، ފުޅަދޫ، ހިތާދޫ، ކިހާދޫ، ދޮންފަނު، ދަރަވަންދޫ އަދި މާޅޮހަށް ވެސް ވަޑައިގަންނަވާނެ އެވެ. މި ދަތުރުފުޅު މާދަމާއާ އަނެއް ދުވަހަށް ދެމިގެންދާނެ އެވެ.
އޭދަފުށިން ރައީސަށް މަރުހަބާ ދެންނެވުން -- ފޮޓޯ: ވޮއިސް
ބ. އަތޮޅަށް ވަޑައިގަތުމުގެ ކުރިން ރައީސް އެންމެފަހުން ވަނީ ނ. އަތޮޅުގެ ރަށްތަކަށް ވެސް ޒިޔާރަތް ކުރައްވައި ބައެއް ރަށްރަށުގައި ތަރައްގީގެ ބައެއް މަޝްރޫޢުތައް ފައްޓަވައި ކުރިއަށް ރޭވިފައިހުރި ކަންކަމުގެ މައުލޫމާތު ހިއްސާކުރައްވާފައެވެ.
Advertisement
This content is created and paid for by advertisers and does not involve Voice Journalists
