އެންވާރަމެންޓް ޕްރޮޓެކްޝަން އެޖެންސީ (އީ.ޕީ.އޭ) އުވާލުމަށް ސަރުކާރުން ނިންމުމާފައިވާކަމަށް ވިދާޅުވެ. މޯލްޑިވިއަން ޑިމޮކްރެޓިކް ޕާޓީ (އެމް.ޑީ.ޕީ)ގެ ރައީސް އަދި ކުރީގެ ފޮރިން މިނިސްޓަރ ޢަބްދުﷲ ޝާހިދު ކަންބޮޑުވުން ފާޅުކުރައްވައިފިއެވެ.
މީސްމީޑިއާގައި ޝާހިދު ކުރެއްވި ޕޯސްޓްތަކުގައި ވިދާޅުވީ ދިވެހިރާއްޖެއިން އަބަދުވެސް ތިމާވެށި ހިމާޔަތްކުރުމަށްޓަކައި ވަރުގަދަ ފިޔަވަޅުތަކެއް އަޅަމުން އައިސްފައިވަނީ، ތަރައްޤީ ހޯދުމަކީ ތިމާވެށި ގެއްލޭގޮތަށް ކުރެވިގެންވާނެ ކަމެއް ނޫންކަމުގައި ޤަބޫލު ކޮށްގެންކަމަށެވެ.
ރައީސް މުޢިއްޒުގެ ސަރުކާރުން އީ.ޕީ.އޭ އުވާލަން ނިންމި ނިންމުމަކީ މި ޤަބޫލު ކުރުމާއި ޚިލާފު ކަމެއްކަމަށާއި، މިއީ އަންނަން އޮތް ޖީލުތަކަށްޓަކައި ތިމާވެށި ހިމާޔަތް ކުރުމަށް ރާއްޖޭގައި އެތައް އަހަރުތަކެއް ވަންދެން ކުރެވިފައިވާ މަސައްކަތްތައް ގެއްލިގެން ދިޔަ ކަމެއް ކަމަށް ޝާހިދު ވިދާޅުވިއެވެ.
އަދި މީގެ ސަބަބުން މޫސުމީ ބަދަލުތަކާއި، ތިމާވެށި ރައްކާތެރިކުރުމާއި، ދެމެހެއްޓެނިވި ތަރައްޤީއަށް ބައިނަލްއަޤްވާމީ މައިދާނުގައި ދިވެހިރާއްޖެއިން ކޮށްފައިވާ މަސައްކަތްތަކާއި، ހޯދާފައިވާ ނަމާއި އިތުބާރު ގެއްލިގެންދާނެކަމެއް ކަމުގެ ކަންބޮޑުވުންވެސް ޝާހިދު ފާޅުކުރެއްވިއެވެ.
އީޕީއޭ އުވާލާކަމަށް ވިދާޅުވެ، ކުރީގެ ހާރިޖީ ވަޒީރު ޝާހިދު ކަންބޮޑުވުން ފާޅުކުރެއްވިނަމަވެސް، ސަރުކާރުން ބުނެފައިވަނި އީޕީއޭ އުވާލުމަށް ނިންމާފައިނުވާކަމަށެވެ.
Advertisement
This content is created and paid for by advertisers and does not involve Voice Journalists
