ކުރިނބީގައި ބީއެމްއެލް އޭޓީއެމްގެ ހިދުމަތް ފަށައިފި
ބޭންކް އޮފް މޯލްޑިވްސް އިން ހދ.ކުރިނބީގައި އޭޓީއެމްގެ ހިދުމަތް މިއަދު ފަށައިފިއެވެ.
ކުރިނބީގައި ބީއެމްއެލް އޭޓީއެމްގެ ހިދުމަތް ފަށާފައިވަނީ މިއަދު އެރަށަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ކުރެއްވި ދަތުރުފުޅުގެ ތެރެއިންނެވެ. އޭޓީއެމްގެ ހިދުމަތް ރަސްމީކޮށް ފައްޓަވައިދެއްވީވެސް އެމަނިކުފާނެވެ. އޭޓިއެމްގެ ހިދުމަތް ފެއްޓެވުމުގެ ގޮތުން މެޝިނުން ފައިސާ ނެގުމަށްފަހު ރައީސް ވަނީ ފައިސާ ނެންގެވި ކާޑު ކައުންސިލަށް އަރުވާފައެވެ.
ބީއެމްއެލުން ކުރިނބީގައިވެސް ގާއިމްކޮށްފައިވަނީ ސެލްފްސާވިސް އޭޓީއެމެކެވެ. މި އޭޓީއެމުން އަމިއްލަ ފަރުދުންނަށާއި، ވިޔަފާރިތަކަށް 24 ގަޑިއިރު ފައިސާ ނަގައި ޖަމާކުރެވޭނެއެވެ.
މުޅި ރާއްޖޭގައި އޭޓީއެމް ބެހެއްޓުމަށް ސަރުކާރުން ފައްޓަވާފައިވާ ސިޔާސަތުގެ ދަށުން ބީއެމްއެލުން ވަނީ މިހަތަނަށް ރާއްޖޭގެ މީހުން ދިރިއުޅޭ 8 އަތޮޅެއްގެ ހުރިހާ ރަށެއްގައި އޭޓީއެމް ބަހައްޓާފައެވެ.
Advertisement
This content is created and paid for by advertisers and does not involve Voice Journalists
