ހދ.ނޭކުރެންދޫއަށް ދިމާވެފައިވާ ކަރަންޓްގެ މައްސަލަ ހައްލުކުރުމުގެ ގޮތުން އެރަށަށް ފެނަކައިން ގެނައި އައި ޖަނަރޭޓަރުސެޓް އިންސްޓޯލްކޮށް ބޭނުންކުރަން ފަށައިފިއެވެ.
ނޭކުރެންދޫއަށް އައު ޖެންސެޓް އެރަށަށް ގެނެސްފައިވަނީ، މިދިޔަ ޖުލައިމަހުގެ 26 ވަނަ ދުވަހުއެވެ. އައު ޖެންސެޓް ގެނައުމަށްފަހު އިންސްޓޯލް ކުރުމުގެ މަސައްކަތް ކުރިއަށްގެންގޮސްފައިވަނީ ފެނަކައިގެ ޓެކްނީޝަނުންނެވެ.
ފެނަކައިން މިއަދު ބުނީ ނޭކުރެންދޫއަށް ގެންދިޔަ އައު ޖެންސެޓް އިސްޓޯލްކޮށް ނިންމައި، ބޭނުންކުރަން ފަށާފައިވާކަމަށެވެ. އައު ޖެންސެޓަކީ 400 ކިލޯވޮޓްގެ ކަރަންޓް ދެވޭ ޖެންސެޓެކެވެ. މި ޖެންސެޓާއެކު ނޭކުރެންދޫއަށް ދިމާވެފައިވާ ކަރަންޓްގެ މައްސަލައަށް އެދެވޭ ހައްލެއް އަންނާނޭކަމަށް ފެނަކައިން ބުނެއެވެ.
ރަށްރަށުގެ ކަރަންޓަށް ދިމާވެފައިވާ މައްސަލަތައް ހައްލުކުރުމަށް ފެނަކައިން ދަނީ ގިނަ މަސައްކަތްތަކެއް ކުރަމުންނެވެ. މިގޮތުން މިހާރުވެސް ގިނަ ރަށްރަށަކަށް ޖެންސެޓްތައް ފޮނުވުމުގެ މަސައްކަތް ކުރަމުންދާކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
