ވިލުފުށީ މަގު ހެދުމުގެ މަސައްކަތް 59 މިލިއަން ރުފިޔާއަށް އާރްޑީސީއަށް ހަވާލުކޮށްފި
ތ. ވިލުފުށި މަގުތައް ތަރައްޤީ ކުރުމުގެ ދެވަނަ ފިޔަވަހީގެ މަޝްރޫޢުގެ އެއްބަސްވުމުގައި ރޯޑް ޑެވެލޮޕްމަންޓް ކޯޕަރޭޝަން (އާރްޑީސީ)އާއެކު ސަރުކާރުން ސޮއިކޮށްފިއެވެ.
ރައީސް ޑރ. މުޙައްމަދު ތ. އަތޮޅަށް ކުރައްވާ ދަތުރުފުޅުގެ ތެރެއިން އެ އަތޮޅު ވިލުފުށްޓަށް ރޭ ވަޑައިގަންނަވައިފާއިރު، މިއަދު އެ ރަށުގައި ވަނީ ތަރައްގީގެ ގިނަ މަޝްރޫއުތަކެއްގައި ސޮއިކޮށްފައެވެ. އެގޮތުން މިއަދު ހެނދުނު ވިލުފުށި މަގުތައް ތަރައްޤީ ކުރުމުގެ ދެވަނަ ފިޔަވަހީގެ އެއްބަސްވުމުގައި އާރްޑީސީއާއެކު ހައުސިންގ އެންޑް އިންފްރާސްޓްރަކްޗާ މިނިސްޓްރީން ވެސް މިއަދު ވަނީ ސޮއިކޮށްފައެވެ.
އެގޮތުން އެ އެއްބަސްވުމުގައި މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ މިނިސްޓަރ ޑރ. ޢަބްދުﷲ މުއްޠަލިބްއެވެ. އަދި އާރްޑީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އިބްރާހީމް ނަޘީމްއެވެ.
59.9 މިލިއަން ރުފިޔާގެ މި މަޝްރޫއުގެ އެއްބަސްވުމުގެ ދަށުން މަސައްކަތްތައް 730 ދުވަހުގެ ތެރޭގައި ނިންމައި ހަވާލުކުރަން ޖެހެއެވެ.
Advertisement
This content is created and paid for by advertisers and does not involve Voice Journalists
