ރ.އިނގުރައިދޫ ރެދަން ސްޕޯޓްސް ކްލަބާއި، ފުޓްބޯޅަ އެސޯސިއޭޝަން އޮފް މޯލްޑިވްސް ގުޅިގެން ކުރިއަށްދިޔަ އެފްއޭއެމް ގްރާސްރޫޓް ސަރޓިފިކެޓް ފުޓްބޯޅަ ކޯޗިންގ ކޯސް ކާމިޔާބުކަމާއެކު ނިންމާލައިފިއެވެ.
އިނގުރައިދޫގައި މި ކޯސް ކުރިއަށްގެންގޮސްފައިވަނީ ރ އަތޮޅުގެ ރަށްތަކަށްވެސް ހުޅުވާލައިގެންނެވެ. އެގޮތުން މި ކޯހުގައި އިނގުރައިދޫގެ އިތުރުން ހުޅުދުއްފާރު, އިންނަމާދޫ, ފައިނު, އަދި ކިނޮޅަހުން ބައިވެރިވިއެވެ. ރެދަން ސްޕޯޓްސްއިން ބުނީ މި ކޯހުގައި ޖުމްލަ 26 މީހަކު ބައިވެރިވެފައިވާކަމަށެވެ.
ކޯސް ނިންމުމަށް ބޭއްވި ރަސްމިއްޔާތުގެ ތެރެއިން..
މި ކޯސް ކުރިއަށް ގެންގޮސްފައިވަނީ، ސެޕްޓެމްބަރުމަހުގެ 18 ވަނަ ދުވަހުން ފެށިގެން އިއްޔެގެ ނިޔަލަށެވެ. ކޯހުގައި ކިޔަވައިދެއްވީ އެފްއޭއެމްގެ އިސްޓްރަކްޓަރެއްކަމަށްވާ އަހްމަދު ޝަރީފް (ޑުންގާ) އެވެ. ކޯސް ނިންމުމުގެ ރަސްމިއްޔާތު ޝަރަފްވެރިކޮށްދެއްވީ ރ.އަތޮޅު ކައުންސިލް އިދާރާގެ ރައީސް ހުސައިން ނާސިފެވެ.
ކޯސް ނިންމުމަށް ބޭއްވި ރަސްމިއްޔާތުގެ ތެރެއިން..
ކޯސް ހިންގުމުގައި އިނގުރައިދޫ ކައުންސިލް އިދާރާ, ވޮއިސް އެމްވީ, ޖެޓީ ކެފޭ، އަދި ބައިވެެރިންގެ ޖާރޒީ ކިޓް ސްޕޮންސަރ ކުރި އިރާ ގާރމެންޓްސްގެ ވަރަށްބޮޑު އެހީތެރިކަން ލިބިފައިވާކަމަށް ރެދަން ސްޕޯޓްސްއިން ފާހަގަކުރެއެވެ.
Advertisement
This content is created and paid for by advertisers and does not involve Voice Journalists
